ماسەلەن, جەتىسۋ وبلىسىندا 105 جاستاعى ناعيمان شالباەۆا داۋىس بەرۋ ۋچاسكەسىنە كەلىپ, ءوز داۋىسىن بەرگەن. ول قۇرمەتتى جاسىنا قاراماستان داۋىس بەرۋ ۋچاسكەسىنە كەلىپ, رەفەرەندۋمعا قاتىسۋدى ءجون كورگەن. ناعيمان اپا – 36 نەمەرەسى, 103 شوبەرەسى مەن 13 شوپشەگى بار ۇلكەن اۋلەتتىڭ اناسى.
ال الماتى قالاسىندا رەفەرەندۋمعا بيىل 101 جاسقا تولاتىن ۇزاق جاساعان اجە كاميليا كوسۋماەۆا قاتىسقان. ول ناۋرىزباي اۋدانىنداعى ۋچاسكەگە ءوزىنىڭ شوبەرەسىمەن بىرگە كەلدى. كاميلا اجە ۇلى وتان سوعىسى جىلدارى تىلدا تەر توككەن ەڭبەك ارداگەرى. ونىڭ ايتۋىنشا, ول ەل ومىرىندەگى ماڭىزدى وقيعالاردىڭ بارلىعىنا قاتىسۋعا تىرىسادى ەكەن.
«مەن ارقاشان داۋىس بەرۋگە كەلۋگە تىرىسامىن. ءار ادام قاتىسىپ, ءوز تاڭداۋىن جاساۋى كەرەك دەپ ويلايمىن», دەدى ول.
ۇزاق جاساعان اجەنىڭ ۋچاسكەگە كەلۋى قاتىسۋشىلاردىڭ جىلى ىقىلاسىن تۋدىرىپ, كوميسسيا مۇشەلەرى مەن تۇرعىندار ەڭبەك ارداگەرىنە بەلسەندى ازاماتتىق ۇستانىمى ءۇشىن العىس ءبىلدىردى.
الماتى وبلىسىنىڭ تۇرعىندارى رەفەرەندۋم ۋچاسكەسىنە مۋلتفيلم كەيىپكەرلەرىنىڭ بەينەسىندە كەلدى
رەفەرەندۋمعا ۇلى وتان سوعىسىنىڭ ارداگەرلەرى دە قاتىسىپ جاتىر. الماتى وبلىسىنىڭ ۇزىناعاش اۋىلىندا تۇراتىن ارداگەر فەدور كوۆالەۆ ءوز تاڭداۋىن ۇيىندە جاسادى. فەدور ەمەليانوۆيچ 1927 جىلعى 11 قاراشادا موگيلەۆ وبلىسىنىڭ ورلوۆكا اۋىلىندا دۇنيەگە كەلگەن. 1944 جىلى اسكەر قاتارىنا شاقىرىلىپ, 1945 جىلى كەڭەس-جاپون سوعىسىنا قاتىسقان. كورسەتكەن ەرلىگى مەن باتىرلىعى ءۇشىن ارداگەر II دارەجەلى وردەنمەن جانە جەڭىستىڭ مەرەيتويلىق مەدالدارىمەن ماراپاتتالعان.
ۇيعىر اۋدانىنىڭ باحار اۋىلىنداعى №921 سايلاۋ ۋچاسكەسىنە 103 جاستاعى ۇلى وتان سوعىسىنىڭ ارداگەرى ءالىم كەبيروۆ ءوزى كەلىپ داۋىس بەردى. ول جاسىنا قاراماستان جاڭالىقتاردى قاداعالاپ, بەلسەندى ازاماتتىق ۇستانىمىن ۇنەمى بىلدىرۋگە تىرىسادى ەكەن.
سونداي-اق, داۋىس بەرۋگە ۇلى وتان سوعىسى جانە ىشكى ىستەر ورگاندارىنىڭ 102 جاستاعى ارداگەرى قۇرمات راحيموۆ تە قاتىستى. ول ءوز تاڭداۋىن ۇيىندە جاسادى. جاقىندارىنىڭ ايتۋىنشا, مايدانگەر ءاردايىم سايلاۋعا قاتىسىپ كەلگەن جانە مۇنداي كۇندەرى بەيجاي قالماۋ ماڭىزدى دەپ سانايدى.
الماتى قالاسىنىڭ مەدەۋ اۋدانىنداعى №403 ۋچاسكەسىندە بيىل 100 جاسقا تولاتىن ۇلى وتان سوعىسىنىڭ ارداگەرى ۆاسيلي دولبنيا داۋىس بەردى. جاقىندارىنىڭ سۇيەمەلدەۋىمەن ۋچاسكەگە كەلگەن ارداگەردى كوميسسيا مۇشەلەرى ەرەكشە قۇرمەتپەن قارسى الىپ, بەلسەندى ازاماتتىق ۇستانىمى ءۇشىن العىس ايتتى.
قىزىلوردا وبلىسىندا سىرداريا اۋدانىندا تۇراتىن سوعىس ارداگەرى ياحيا تاسىروۆ ءوز ۋچاسكەسىنە العاشقىلاردىڭ ءبىرى بولىپ كەلدى. مايدانگەر بۇل كۇننىڭ ماڭىزىن اتاپ ءوتىپ, كوميسسيا مۇشەلەرىنە باتاسىن بەردى.
الماتى وبلىسى ەڭبەكشىقازاق اۋدانىنىڭ العا اۋىلىندا تۇراتىن ۇلى وتان سوعىسىنىڭ جانە ىشكى ىستەر ورگاندارىنىڭ 102 جاستاعى ارداگەرى سولتانباي جارىقباسوۆ تا داۋىس بەرۋگە قاتىستى. ول ۋچاسكەگە 15 جاستاعى شوبەرەسىمەن بىرگە كەلدى. ارداگەر ەشقاشان سايلاۋ مەن رەفەرەندۋمداردى وتكىزىپ الماۋعا تىرىساتىنىن ايتىپ, ەلدىڭ بولاشاعى مەن جاس ۇرپاق ءۇشىن ءوز تاڭداۋىن جاساۋ ماڭىزدى ەكەنىنە نازار اۋداردى.
الماتى وبلىسىندا ءبىر كوشەنىڭ تۇرعىندارى تۇگەل تاڭداۋ جاسادى
سونىمەن قاتار, تالعار قالاسىنداعى ۋچاسكەلەردىڭ بىرىندە ەڭبەك ارداگەرى نۇركامال ەكىباەۆا داۋىس بەردى. ول ۇزاق جىلدار وندىرىستە ەڭبەك ەتىپ, قوعامدىق ومىرگە بەلسەندى ارالاسقان, سونداي-اق جيىرما جىلدان استام ۋاقىت سوعىس جانە ەڭبەك ارداگەرلەرى حورىندا ونەر كورسەتكەن.
وسىلايشا, رەفەرەندۋمعا قازاقستاندىقتاردىڭ ءارتۇرلى بۋىن وكىلدەرى قاتىسىپ جاتىر.
