مەديا كەڭىستىكتە العاش رەت ونلاين مارافوندى جۋرناليستەر روبوت-جۇرگىزۋشىمەن بىرگە رەسمي تۇردە باستادى.
مارافوننىڭ توك-شوۋ الاڭىندا ەل ءۇشىن وزەكتى «ينكليۋزيۆتى قوعام» جانە «بالا تاربيەسى: ءداستۇر مەن زاماناۋي ءادىستىڭ قايشىلىعى» تاقىرىپتارى تالقىلاندى. «ينكليۋزيۆتى قوعام» تاقىرىبىنداعى ديسكۋسسيا بارىسىندا ەرەكشە قاجەتتىلىگى بار ازاماتتارعا تەڭ مۇمكىندىك جاساۋ, قولجەتىمدى ورتا قالىپتاستىرۋ جانە قوعامداعى ءوزارا قۇرمەت مادەنيەتىن دامىتۋ ماسەلەلەرى ءسوز بولدى. ساراپشىلار ينكليۋزيانىڭ ءبىلىم بەرۋ جۇيەسىندەگى, ەڭبەك نارىعىنداعى جانە قوعامدىق كەڭىستىكتەگى رولىنە توقتالدى.
ۆاشينگتون, نيۋ-يورك, وتتاۆا قالالارىندا رەفەرەندۋم ۋچاسكەلەرى اشىلدى
«بالا تاربيەسى: ءداستۇر مەن زاماناۋي ءادىستىڭ قايشىلىعى» تاقىرىبىن تالقىلاۋ كەزىندە قازىرگى قوعامداعى تاربيە تاسىلدەرىنىڭ وزگەرۋى, ۇلتتىق قۇندىلىقتار مەن زاماناۋي پسيحولوگيانىڭ ۇيلەسىمى, سونداي-اق اتا-انالاردىڭ جاۋاپكەرشىلىگى سىندى ماسەلەلەر كوتەرىلدى. بۇل تۋرالى وتباسىلىق پسيحولوگ ەرجان مىرزاباەۆ: ء«ار ءداستۇردىڭ وزىعى بار, توزىعى بار. ءداستۇر – بەلگىلى ءبىر كەزەڭدە حالىقتىڭ ءومىر سۇرۋىنە ىڭعايلانعان ادەت-عۇرىپتاردىڭ جيىنتىعى. سوندىقتان كەيبىر داستۇرلەر ءبىر زاماندا وزەكتى بولسا, باسقا ۋاقىتتا وزەكتىلىگىن جوعالتۋى مۇمكىن», دەپ ءداستۇر مەن زامان تالابىنىڭ ۇشتاسۋىنىڭ ماڭىزدىلىعىن اتاپ ءوتتى. سپيكەرلەر بالا تاربيەسى قاي قوعامدا دا, قاي جاستا دا ماڭىزدى دەگەن ورتاق پايىمعا توقتالدى.
مەديا شارادا العاش رەت ۇيىمداستىرىلعان يننوۆاتسيا الاڭىندا وتاندىق ونەرتاپقىشتاردىڭ ەرەكشە جوبالارى دا تانىستىرىلدى. اتاپ ايتقاندا, دتسپ دياگنوزى بار ادامدارعا وتە قولايلى جاسالعان جاڭا اربا كورەمەنگە ۇسىنىلدى. ءبىر قىزىعى, وسى قۇرالدى جۇزەگە اسىرعان اۆتور ماۋلەن بەكتۇرعانوۆقا روبوت-جۇرگىزۋشى سۇراقتارىن قويىپ, قوعام ءۇشىن پايدالى ەكەنىن اتاپ ءوتتى. سۇحبات سوڭىندا روبوت بيىمەن كوپشىلىكتى تاڭقالدىردى.
ونلاين مارافون اياسىندا ورتالىق رەفەرەندۋم كوميسسياسى جانىنداعى پرەسس-ورتالىقتىڭ رەفەرەندۋم بارىسى تۋرالى رەسمي اقپارات تا ۇسىنىلىپ جاتىر. اتاپ ايتقاندا, داۋىس بەرۋ ۋچاسكەلەرىنىڭ اشىلۋى, داۋىس بەرۋدىڭ باستالۋى, شەتەلدەگى ۋچاسكەلەردىڭ جۇمىسى جانە ازاماتتاردىڭ كەلۋ بەلسەندىلىگى تۋرالى مالىمەتتەر جاريالاندى.
بايقاۋشىلار: داۋىس بەرۋ پروتسەسى زاڭناماعا سايكەس ءوتىپ جاتىر
«رەفەرەندۋم – 2026» ونلاين ءىس-شاراسى اياسىندا كورەرمەندەرگە وسى ۋاقىتقا دەيىن بەلگىلى ونەرپازدار مەن ونەر ۇجىمدارى, اتاپ ايتقاندا ۇلتتىق ۇلانىنىڭ ەرلەر حورى, ەلەكترو دومبىرامەن ونەر كورسەتەتىن شەبەر – اقتوتى بولىشەۆا, رۋحيا بايدۇكەنوۆا مەن «جوشى» ەتنو-فولكلورلىق ءانسامبلى, «التىن دومبىرا» توبى ونەر كورسەتتى.
ايتا كەتەيىك, قوعامداعى ماڭىزدى تاقىرىپتاردى تالقىلاپ, ساراپشىلار مەن مامانداردىڭ پىكىرىن ورتاعا سالۋعا جانە ەلدەگى يننوۆاتسيالىق باستامالاردى كەڭىنەن تانىستىرۋعا مۇمكىندىك بەرەتىن ونلايىن مارافون ساعات 09:00-01:00 ارالىعاندا 16 ساعاتقا جالعاسادى.
