اتاپ ايتقاندا, «جەتى جارعى» زاڭىن ەنگىزىپ, قازاق تاريحىندا ادىلەتتى بيلىگىمەن مەملەكەتتىلىكتى نىعايتقان تاۋكە حان مەن قازاقتىڭ ايبىندى حانى ابىلاي حان, ەل بىرلىگى مەن ادىلدىكتىڭ سيمۆولىنا اينالعان ءۇش بي – تولە بي, قازىبەك بي, ايتەكە بي بەينەسىندەگى قۇرمانبەك جانداربەكوۆ اتىنداعى جەتىساي دراما تەاترىنىڭ ارتىستەرى رەفەرەندۋم ۋچاسكەسىنە ارنايى كەلىپ, ءوز تاڭداۋلارىن جاسادى. تەاتر ارتىستەرى بۇل باستاما – ۇلتتىق قۇندىلىقتاردى دارىپتەپ, حالىقتى ەل تاعدىرىنا بەي-جاي قاراماۋعا شاقىراتىن تاعىلىمدى شارا بولعانىن, كوپشىلىك ءۇشىن ەل تاريحىنا تاعزىم جاساپ, ۇلت بولاشاعىنا دەگەن جاۋاپكەرشىلىكتى تەرەڭ سەزىنۋدىڭ ايقىن بەلگىسىندەي اسەر قالدىرعانىن ايتادى.
ايتا كەتەيىك, اۋدان كولەمىندە 75 رەفەرەندۋم ۋچاسكەسى جۇمىس ىستەپ تۇر. ولاردىڭ بارلىعىندا سالاۋاتتى ءومىر سالتىن ناسيحاتتاۋ ماقساتىندا سپورتتىڭ قازاق كۇرەسى, قول كۇرەسى, ۇستەل تەننيسى, ۆولەيبول, توعىزقۇمالاق, كىشى فۋتبول سەكىلدى تۇرلەرىنەن تۇرعىندار اراسىندا جارىستار ۇيىمداستىرىلىپ جاتىر.
تۇركىستان وبلىسى
