«كاۋستيك» اق زاۋىتىندا حلورمەن ۋلانۋ «قاۋپى» جويىلدى

پاۆلودار. 26 ماۋسىم. زاۋىت اۋماعىندا وبلىستىق توتەنشە جاعدايلار دەپارتامەنتىنىڭ وكىلدەرى جانە باق وكىلدەرى بىرلەسكەن توسىن اپاتقا قارسى جاتتىعۋ شاراسىن وتكىزىلدى.  بۇل تۋرالى egemen.kz ءتىلشىسى حابارلادى. شاراسى بارىسىندا ورىن الۋى مۇمكىن اپاتتى «بولدىرماۋ ماقساتىندا» كاسىپورىننىڭ گاز-قۇتقارۋ قىزمەتى, ءورت اپاتتى-قۇتقارۋ ءبولىمى مەن مەديتسينالىق قىزمەتىنەن تۇراتىن اپاتتى-قۇتقارۋ بولىمشەلەرى مەن قىزمەتكەرلەرى بىرلەسە ارەكەت ەتتى. اپاتتى جويۋدىڭ قولدانىستاعى جوسپارىنا سايكەس, سۇيىق حلوردى ساقتاۋعا ارنالعان قوسىندى ىدىراعان جاعدايدا اتقارىلۋى ءتيىس شارالار جۇزەگە اسىرىلدى. ال, جالپى, زاۋىتتا قۇتقارۋ بولىمشەلەرىنىڭ جاتتىعۋ شارالارى وتەدى. «كاۋستيك» اق باسقارما توراعاسىنىڭ ورىنباسارى ا. پوجوگيننىڭ ايتۋىنشا, كاسىپورىندا وقۋ ورتالىعى جۇمىس جاسايدى. «كاۋستيك» اق حلور-ءسىلتى ءوندىرىسىن ءوندىرۋدىڭ مەمبرانالىق تەحنولوگياسى ارقىلى ىسكە اسىرىلادى. بۇل تەحنولوگيا جوعارى ەنەرگو تيىمدىلىگى مەن قاۋىپسىزدىگىمەن قاتار, ەكولوگيالىق قاۋىپسىزدىگىمەن دە ەرەكشەلەنەدى. تەتىكتەر مەن جۇمىس مەحانيزمدەرىن قاشىقتىقتان باقىلاۋعا مۇمكىندىك بەرەتىن, «Siemens» فيرماسى شىعارعان باسقارۋ جۇيەلەرى قولدانىلادى.  مىسالى, جۋىردا بولعان اپاتتى-قۇتقارۋ قىزمەتى قولدانىستاعى زاماناۋي تەحنولوگيالار اۆتوماتتى رەجيمدە ءوندىرىستى توقتاتىپ, 200 كگ كولەمىندەگى حلوردىڭ تارالۋىنا جول بەرمەدى. ساراپتامالىق تالداۋلار جۇمىس اۋماعىنىڭ اۋاسى مەن اتموسفەرالىق اۋا قاباتىندا حلور كونتسەنتراتسياسىنىڭ شەكتى نورمادان اسىپ تۇسپەگەنىن كورسەتتى.  قازىر زاۋىتتا وندىرىستىك جانە ەكولوگيالىق قاۋىپسىزدىكتى ارتتىرۋ ماقساتىنداعى شارالار جۇزەگە اسىرىلۋدا.  وبلىس ورتالىعىنداعى «كاۋستيك» اق جوبالىق قۋاتى – جىلىنا 30 مىڭ توننا كاۋستيكالىق سودا, 6,6 مىڭ توننا ناتري گيپوحلوريتى, 26,4 مىڭ توننا حلور جانە 45 مىڭ توننا تۇز قىشقىلىن وندىرە الادى. فاريدا بىقاي. دەرەك, سۋرەت: egemen.kz