سىرتقى ىستەر مينيسترلىگىنىڭ مالىمەتىنشە, قازاقستان ازاماتتارىن ەۆاكۋاتسيالاۋ ءارتۇرلى باعىتتار ارقىلى, ونىڭ ىشىندە اۋە جانە قۇرلىق جولدارىمەن جۇزەگە اسىرىلدى.
قازاقستان رەسپۋبليكاسىنىڭ وڭىردەگى ديپلوماتيالىق وكىلدىكتەرى جەرگىلىكتى جەرلەردە شەت مەملەكەتتەردىڭ قۇزىرەتتى ورگاندارىمەن ءوزارا ءىس-قيمىلدى ۇيلەستىرىپ, وتانداستارمەن تۇراقتى بايلانىستا بولىپ, قازاقستان ازاماتتارىنا قاجەتتى كومەك كورسەتتى.
ەسكە سالا كەتەيىك, يزرايل 28 اقپاندا تاڭەرتەڭ يرانعا سوققى جاسادى. دۋباي, ابۋ-دابي جانە راس-ەل-حايمادا جۇرگەن قازاقستان ازاماتتارى رەيستەردىڭ توقتاتىلۋىنا بايلانىستى ەلگە قايتا الماي قالعان. ال «قازپوشتا» تاياۋ شىعىستاعى جاعدايدىڭ شيەلەنىسۋىنە بايلانىستى حالىقارالىق پوشتا جونەلتىلىمدەرىنە ۋاقىتشا شەكتەۋلەر قويىلعانىن مالىمدەدى.
بۇعان دەيىن تاياۋ شىعىستاعى قاقتىعىس سالدارىنان 13 رەيس توقتاتىلعانىن جازعان بولاتىنبىز. سونداي-اق تاياۋ شىعىستاعى احۋالدىڭ ۋشىعۋىنا بايلانىستى قازاقستاننىڭ شەت ەلدەردەگى مەكەمەلەرىنىڭ جەدەل بايلانىس جانە «جەدەل جەلى» نومىرلەرىنىڭ ىسكە قوسىلعانى حابارلانعان ەدى.
