سۋرەتتى تۇسىرگەن – ەرلان ومار, «EQ»
باسقوسۋدى العىسوزىمەن اشقان «قازاق گازەتتەرى» سەرىكتەستىگىنىڭ باس ديرەكتورى ديحان قامزابەك ۇلى ۇلتتىق ءباسپاسوزدىڭ ەلدىك ساناعا قىزمەت ەتەتىن ايرىقشا ميسسياسىنا توقتالدى.
«گازەت – ەل ايناسى. قوعامداعى وزگەرىس پەن حالىقتىڭ تىنىس-تىرشىلىگى ەڭ الدىمەن باسپاسوزدە كورىنىس تابادى. سوندىقتان وڭىرلەردەگى ماڭىزدى باستامالاردىڭ, سونىڭ ىشىندە ماڭعىستاۋدا اتقارىلىپ جاتقان يگى ىستەردىڭ رەسپۋبليكالىق باسپاسوزدە جاريالانۋى قوعام ءۇشىن اسا ماڭىزدى», دەدى د. قامزابەك ۇلى.
دەپۋتاتتاردى ماڭعىستاۋ وبلىستىق ءماسليحاتىنىڭ توراعاسى جاڭبىرباي ماتاەۆ باستاپ كەلدى. باس باسىلىم ۇجىمىمەن كەزدەسۋ بارىسىندا جاڭبىرباي جانىبەك ۇلى وڭىردەگى يگى جوبالاردى ورتاعا سالىپ, ناتيجەلى باستامالارىمەن جان-جاقتى تانىستىرىپ ءوتتى.
«رۋحانيات – ۇلتتىق جادىنى جاڭعىرتۋ, باۋىرلاس ەلدەرمەن تاريحي ساباقتاستىقتى كۇشەيتۋ, جاس بۋىنعا ورتاق مۇرانى تانىتۋ. ماڭعىستاۋ بۇعان ەرەكشە ءمان بەرەدى. تۇركى دۇنيەسىنىڭ استاناسى اتانعان اقتاۋ شاھارىندا وتكەن حالىقارالىق فورۋمدار مەن كەزدەسۋلەر ءسوزىمىزدىڭ دالەلى بولا الادى. مۇنداي باستامالاردىڭ كەڭىنەن جازىلىپ, جۇرتشىلىققا جەتۋى ءوڭىردىڭ بەدەلىن ارتتىرادى», دەدى ول.
جيىن بارىسىندا بەينەۋ اۋداندىق ءماسليحات دەپۋتاتى مەرۋەرت وماروۆا دا وڭىردەگى وزەكتى ماسەلەلەرگە توقتالدى. ونىڭ ايتۋىنشا, بىرقاتار باستاما قازىر ۇكىمەت دەڭگەيىندە قارالىپ جاتىر.
ايتا كەتەيىك, مەرۋەرت وماروۆا – بەينەۋ اۋدانىنداعى قوعامدىق باستامالارعا بەلسەنە ارالاسىپ جۇرگەن كاسىپكەر ءارى ءماسليحات دەپۋتاتى.
بىلتىرعى سۋ تاسقىنى كەزىندە كوپتەگەن ءوڭىر تۇرعىندارى ابىگەرگە تۇسكەنى بەلگىلى. سول قيىن شاقتا ماڭعىستاۋ وبلىسىنىڭ حالقى كورشى اتىراۋ, اقتوبە, باتىس قازاقستان وبلىستارىنا جان-جاقتى كومەك ۇيىمداستىرعان ەدى. اتىراۋ وبلىسىنان ەۆاكۋاتسيالانعان 27 مىڭنان اسا ادام ماڭعىستاۋ وڭىرىندە ۋاقىتشا ورنالاستىرىلدى. بەينەۋ اۋداندىق ءماسليحات دەپۋتاتى مەرۋەرت وماروۆا. قۇلسارى قالاسىنان كەلگەن 250 تۇرعىندى ءوز ۇيىندە كۇتىپ, قولداۋ كورسەتكەن.
جۇزدەسۋ سوڭىندا تاراپتار اقپاراتتىق ارىپتەستىكتى نىعايتىپ, ەلدىك مۇددەگە قىزمەت ەتەتىن بىرلەسكەن جوبالاردى جۇزەگە اسىرۋعا نيەتتى ەكەنىن ءبىلدىردى. مەملەكەت باسشىسى قاسىم-جومارت توقاەۆ اتاپ وتكەندەي, ء«ماسليحاتتار – جەرگىلىكتى ءوزىن-ءوزى باسقارۋ جۇيەسىندەگى نەگىزگى ينستيتۋت. ونىڭ تيىمدىلىگى دەپۋتاتتاردىڭ كاسىبيلىگىنە تىكەلەي بايلانىستى». وسى تۇرعىدان العاندا, وڭىرلەردەگى باستامالاردىڭ ەلدىك دەڭگەيدە كوتەرىلىپ, ۇلتتىق ءباسپاسوز ارقىلى كەڭىنەن جاريالانۋى قوعام ءۇشىن ايرىقشا ماڭىزعا يە.
