ويتكەنى مەملەكەتتىڭ بولاشاعى تەك ساياسي ينستيتۋتتار ارقىلى قالىپتاسپايدى. ول ەڭ الدىمەن قوعامنىڭ ساناسىندا, ءبىلىم جۇيەسىندە, ۇرپاق تاربيەسىندە ورنىعادى. وسى تۇرعىدان العاندا, كەز كەلگەن قوعامدىق وزگەرىس ءبىلىم بەرۋ سالاسىمەن دە ساباقتاس.
ازاماتتىق جاۋاپكەرشىلىك, مەملەكەت تۋرالى, قوعامدىق قۇندىلىقتاردى قابىلداۋ سياقتى تۇسىنىكتەر مەكتەپ قابىرعاسىنان باستاۋ الادى. سوندىقتان ءبىلىم بەرۋ جۇيەسى مەن وقۋ ادەبيەتتەرىنىڭ ساپاسى ۇلتتىڭ ينتەللەكتۋالدىق دامۋى ءۇشىن ايرىقشا ماڭىزعا يە.
Arman-PV باسپاسىنىڭ باس ديرەكتورى ديدارا الينا بۇل سالادا جيىرما بەس جىلدان استام ۋاقىت ەڭبەك ەتىپ كەلەدى. ونىڭ ايتۋىنشا, قوعام دامۋى ءبىلىم بەرۋ جۇيەسىنىڭ ساپاسىمەن جانە وقۋ ادەبيەتتەرىنىڭ مازمۇنىمەن تىعىز بايلانىستى.
سوڭعى جىلدارى قازاقستاندا وقۋلىقتاردىڭ ساپاسىنا, ساراپتاما راسىمدەرىنە جانە ءبىلىم بەرۋ باعدارلامالارىنىڭ مازمۇنىنا قويىلاتىن تالاپتار ايتارلىقتاي كۇشەيدى. بۇل ءوز كەزەگىندە وقۋ ادەبيەتتەرىن ازىرلەۋ مادەنيەتىنىڭ جاڭا دەڭگەيگە كوتەرىلىپ كەلە جاتقانىن اڭعارتادى.
جالعان اقپاراتتار تاراۋى مۇمكىن: مينيسترلىك رەفەرەندۋم قارساڭىندا ازاماتتارعا ۇندەۋ جاسادى
ديدارا الينانىڭ پىكىرىنشە, رەفەرەندۋم قوعامنىڭ ازاماتتىق جاۋاپكەرشىلىگىن ايقىندايتىن ماڭىزدى ينستيتۋتتاردىڭ ءبىرى.
«ازاماتتار ەل تاعدىرىنا قاتىستى ماڭىزدى شەشىمدەرگە قاتىسقاندا, قوعامدا جاۋاپكەرشىلىك مادەنيەتى قالىپتاسادى. مۇنداي مادەنيەت ەڭ الدىمەن ءبىلىم ارقىلى ورنىعادى. بالالار مەكتەپتە قانداي ءبىلىم الىپ, قانداي قۇندىلىقتاردى بويىنا سىڭىرسە, ەرتەڭ قوعام دا سونداي باعىتتا داميدى», دەيدى ول.
بۇگىندە قازاقستاندا وقۋ ادەبيەتى سالاسى جاڭا كەزەڭگە قادام باسىپ وتىر. وقۋلىقتاردىڭ مازمۇنى جاڭارىپ, ساراپتاما تالاپتارى كۇشەيىپ, تسيفرلىق ءبىلىم بەرۋ پلاتفورمالارى دامىپ جاتىر. بۇل ءبىلىم بەرۋ جۇيەسىن زامان تالابىنا بەيىمدەۋ جولىنداعى ماڭىزدى قادامداردىڭ ءبىرى. شىن مانىندە, قۋاتتى مەملەكەت ءبىلىمدى, سانالى ءارى جاۋاپكەرشىلىگى جوعارى ۇرپاق ارقىلى نىعايادى. ال مۇنداي ۇرپاقتىڭ قالىپتاسۋى مەكتەپتەن باستالادى. سوندىقتان قوعامداعى ماڭىزدى شەشىمدەر مەن ءبىلىم بەرۋ جۇيەسىنىڭ دامۋى ءوزارا تىعىز بايلانىستى. ءبىرى مەملەكەتتىڭ ستراتەگيالىق باعىتىن ايقىنداسا, ەكىنشىسى سول باعىتتى جالعاستىراتىن جاڭا بۋىندى تاربيەلەيدى.
ورتالىق رەفەرەندۋم كوميسسياسى ۇگىت جۇمىستارىنىڭ قاشان اياقتالاتىنىن مالىمدەدى
