مينيسترلىك وكىلى مودجتابا حامەنەي جارالانعانىن راستاعانىمەن, ونىڭ جاعدايى تۇراقتى ەكەنىن جەتكىزدى.
ايتا كەتەيىك, مودجتابا حامەنەي 8 ناۋرىز كۇنى يراننىڭ جوعارعى رۋحاني جەتەكشىسى قىزمەتىنە سايلانعان ەدى. ول ەلدەگى ەڭ جوعارى ساياسي جانە ءدىني بيلىك يەسى سانالادى. بۇل قىزمەت يراننىڭ مەملەكەتتىك قۇرىلىمىندا شەشۋشى ءرول اتقارادى. جوعارعى جەتەكشى قارۋلى كۇشتەردىڭ باس قولباسشىسى رەتىندە دە تانىلعان.
بۇعان دەيىن امەريكالىق New York Times باسىلىمى يراندىق رەسمي تۇلعالارعا سىلتەمە جاساپ, جاڭا جەتەكشىنىڭ جارالانعانىن حابارلاعان. گازەت دەرەگىنە قاراعاندا, مودجتابا حامەنەي يزرايل مەن اقش تاراپىنان جاسالعان شابۋىلدىڭ العاشقى كۇنىندە جاراقات العان.
اقپارات كوزدەرى ونىڭ قاۋىپسىزدىك شارالارى كۇشەيتىلگەن ايماقتا بولعانىن جانە شابۋىل كەزىندە جارالانعانىن ايتادى. دەگەنمەن ناقتى قانداي جاعدايدا جاراقات العانى تۋرالى رەسمي مالىمەت تولىق جاريالانعان جوق.
ساراپشىلاردىڭ پىكىرىنشە, بۇل جاعداي تاياۋ شىعىستاعى احۋالدىڭ كۇردەلەنە تۇسكەنىن كورسەتەدى. سوڭعى كۇندەرى ايماقتاعى اسكەري جانە ساياسي شيەلەنىس كۇشەيىپ, بىرنەشە ەلدىڭ قاتىسۋىمەن جاڭا گەوساياسي تەكەتىرەس بەلگىلەرى بايقالا باستادى.
يران بيلىگى ازىرگە وقيعاعا قاتىستى تولىق مالىمەت تاراتقان جوق. الايدا رەسمي تۇلعالاردىڭ ايتۋىنشا, ەلدەگى باسقارۋ جۇيەسىنىڭ تۇراقتىلىعىنا قاۋىپ جوق جانە جوعارعى جەتەكشىنىڭ جاعدايى باقىلاۋدا.
ترامپ يران قۇراماسىنىڭ الەم چەمپيوناتىنا قاتىسۋىن ورىنسىز دەپ باعالادى
