فوتو: قفف ءباسپاسوز قىزمەتى
قازاقستان فۋتبول فەدەراتسياسىنىڭ مالىمەتىنشە, قازاقستان قۇراماسىنىڭ كەڭەيتىلگەن تىزىمىنە 50 ويىنشى ەندى.
وقۋ-جاتتىعۋ جيىنى قازاقستان پرەمەر-ليگاسىنىڭ ءۇشىنشى تۋرىنان كەيىن استانادا باستالادى.
تۋرنير 25-28 ناۋرىز ارالىعىندا استاناداعى «استانا ارەنا» ستاديونىندا «تورتتىك فينال» فورماتىندا وتەدى. قازاقستان قۇراماسى الدىمەن كومور ارالدارى قۇراماسىنا قارسى وينايدى, كەيىن كۋۆەيت نەمەسە ناميبيا قۇرامالارىنىڭ بىرىمەن كەزدەسەدى.
«باپكەرلەر شتابى پرەمەر-ليگانىڭ ءبىرىنشى تۋرىنداعى ماتچتاردى مۇقيات تالدادى. فۋتبولشىلاردى باعالاۋ كەزىندە ەڭ الدىمەن ولاردىڭ ويىن ۋاقىتىنا جانە تەحنيكالىق-تاكتيكالىق ارەكەتتەرىنە نازار اۋداردىق. ەكىنشى تۋر اياقتالعاننان كەيىن الداعى تۋرنيرگە قاتىساتىن قۇرامانىڭ سوڭعى ءتىزىمىن بەكىتۋدى جوسپارلاپ وتىرمىز», دەگەن ەدى تالعات بايسۋفينوۆ.
باس باپكەر دايىندىققا ۋاقىتتىڭ از بولاتىنىن دا اتاپ ءوتتى: قازاقستان پرەمەر-ليگاسىنىڭ ءۇشىنشى تۋرى 22 ناۋرىزدا اياقتالادى, ال 25 ناۋرىزدا كوماندا العاشقى ويىنىن وتكىزەدى. سوندىقتان سوڭعى قۇرامعا سول ساتتە ەڭ جاقسى سپورتتىق فورمادا جۇرگەن ويىنشىلار ەنەدى.
كەڭەيتىلگەن تىزىمگە: 4 قاقپاشى, 20 قورعاۋشى, 14 جارتىلاي قورعاۋشى, 15 شابۋىلشى كىردى.
قازاقستان قۇراماسىنىڭ كەڭەيتىلگەن ءتىزىمى
قاقپاشىلار:
تەمىرلان اناربەكوۆ («قايرات»), مۇحامەدجان سەيسەن («استانا»), الەكساندر زارۋتسكي («اقتوبە»), بەكحان شايزادا («ورداباسى»).
قورعاۋشىلار:
سەرگەي مالىي, سۇلتانبەك استانوۆ (ەكەۋى دە – «ورداباسى»), الەكساندر مرىنسكي, الەكساندر شيروبوكوۆ, ەركىن تاپالوۆ (بارلىعى – «قايرات»), نۇرالى ءالىپ («زەنيت», رەسەي), يان ۆوروگوۆسكي, الىبەك قاسىم (ەكەۋى دە – «استانا»), ادىلبەك جۇماحانوۆ, ارسەن اشىربەك (ەكەۋى دە – «ەلىماي»), ناۋرىزبەك جاعوروۆ, مەيرامبەك قالمىرزا (ەكەۋى دە – «توبىل»), ادلەت كەنەسبەك, ساعي سوۆەت (ەكەۋى دە – «قايسار»), دىنمۇحاممەد قاشكەن («جەتىسۋ»), سانجار ساتانوۆ («اتىراۋ»), ساعادات تۇرسىنباي («جەڭىس»), باعدات قايىروۆ («اقتوبە»), اماندىق نابيحانوۆ («كاسپي»).
جارتىلاي قورعاۋشىلار:
رامازان ورازوۆ, جان-الي پايرۋز, الماس تيۋليۋباي (بارلىعى – «ەلىماي»), ادىلەت سادىقبەكوۆ, دامير قاسابۋلات (ەكەۋى دە – «قايرات»), ايبول ابىكەن, ەرسۇلتان قالدىبەكوۆ (ەكەۋى دە – «قايسار»), زيكريللو سۋلتانيازوۆ («ورداباسى»), دامير مارات, الەكساندر زۋەۆ (ەكەۋى دە – «توبىل»), يسلامبەك قۋات («جەڭىس»), دىنمۇحامەد قارامان («استانا»), گەورگي جۋكوۆ («اقتوبە»).
شابۋىلشىلار:
داستان ساتپاەۆ, رامازان باعدات (ەكەۋى دە – «قايرات»), عالىمجان كەنجەبەك, ماكسيم سامورودوۆ (ەكەۋى دە – «احمات», رەسەي), يسلام چەسنوكوۆ («حارتس», شوتلانديا), جاسلان جۇماشەۆ, داۋرەن جۇمات (ەكەۋى دە – «توبىل»), ەلحان استانوۆ («ورداباسى»), رامازان كاريموۆ («استانا»), يۆان سۆيريدوۆ, ايبار جاقسىلىقوۆ (ەكەۋى دە – «ەلىماي»), ورالحان ومىرتاەۆ («وقجەتپەس»), ارتۋر شۋشەناچەۆ («اقتوبە»), نۇرداۋلەت اعزامباەۆ («قايسار»).
فۋتبولدان قازاقستان ۇلتتىق قۇراماسىنىڭ باس باپكەرى تاعايىندالدى
ايتا كەتەيىك, FIFA Series-2026 تۋرنيرىنە 48 ۇلتتىق قۇراما قاتىسادى. كوكتەمدە ولار جارتىلاي فينال جانە فينالدان تۇراتىن شاعىن تۋرنير فورماتىندا وينايدى.
قازاقستاننان بولەك تۋرنيرلەردى اۆستراليا, ازەربايجان, يندونەزيا, جاڭا زەلانديا, پۋەرتو-ريكو, رۋاندا جانە وزبەكستان قابىلدايدى. ال ايەلدەر قۇرامالارى برازيليا, كوت-د’يۆۋار جانە تايلاندتا وينايدى.
