فوتو: gov.kz
قازاقستاننىڭ رەسەيدەگى ەلشىسى داۋرەن اباەۆء وز سوزىندە ءا. بوكەيحانوۆتىڭ رەسەي يمپەرياسى مەملەكەتتىك دۋماسىنىڭ جۇمىسىنا قاتىسىپ, قازاق پەن باسقا دا بايىرعى حالىقتاردىڭ مۇددەسىن قورعاعانىن اتاپ ءوتتى. ەلشى سونداي-اق ونىڭ مۇراسىنىڭ قازىرگى كۇنى قازاقستان مەن رەسەي اراسىنداعى ستراتەگيالىق ارىپتەستىك قاعيدالارىندا كورىنىس تاباتىنىن ايتتى.
«سۋساعاننىڭ تۇسىنە سۋ كىرەدى»: ءاليحان بوكەيحانوۆ قازاق قوعامىنىڭ ساياسي بەينەسىن قالاي سيپاتتادى؟
ءبيۋستتى ورناتۋعا باستاماشى بولعان وتاندىق كاسىپكەر جانبولات نادىروۆقا العىسىن بىلدىرگەن ەلشى بۇل ءىس-شارانى «قوس حالىقتىڭ ورتاق تاريحىنا قۇرمەت كورسەتۋ» دەپ سيپاتتادى. ج. نادىروۆ ءوز سوزىندە بوكەيحانوۆتىڭ ءومىرى مەن قىزمەتى ۇرپاققا ۇلگى بولاتىنىن ايتىپ, ماسكەۋگە كەلەتىن قازاقستان ازاماتتارى ەندى اتاقتى جەرلەسىمىزگە قۇرمەت كورسەتە الاتىنىن جەتكىزدى.
قازاقستاندىق پاۆيلوننىڭ باسشىسى تامارا باباكوۆا دا كاسىپكەردىڭ پىكىرىن قولداپ, كورمە كەلۋشىلەرى ءۇشىن بيۋست وتكەن, قازىرگى جانە بولاشاق كەزەڭ اراسىنداعى بايلانىستىڭ سيمۆولىنا اينالاتىنىن اتاپ ءوتتى.
ءىس-شاراعا قاتىسقان ءاليحان بوكەيحانوۆتىڭ نەمەرە ءىنىسى, پروفەسسور نۇرىم بوكەيحانوۆ الاش ارىسىنىڭ قازاق حالقى ءۇشىن سىڭىرگەن ەڭبەكتەرىن ەسكە الدى. ول بوكەيحانوۆتىڭ باستاماسىمەن اباي قۇنانباي ۇلىنىڭ بارلىق ولەڭدەرىنىڭ جيناقتالعانىن, سونداي-اق العاش ابايتانۋشى رەتىندە اقىننىڭ مۇراسىن حالىققا جەتكىزگەنىن ايتتى.
ءاليحان بوكەيحاننىڭ تۋعانىنا – 160 جىل: استانادا الاش ارداقتىلارىنا تاعزىم ەتىلدى
