فوتو: x.com/manniefabian
The Times of Israel باسىلىمىنىڭ حابارلاۋىنشا, زىمىراندار ليۆاننىڭ بىرنەشە اۋدانىنان 100-گە جۋىق زىمىران ۇشىرىلىپ, ءيزرايلدىڭ سولتۇستىگىنە باعىتتالدى. اۋە دابىلى حايفا, گاليلەيا جانە گولان جوتالارى ايماقتارىندا سوعىلدى.
ازىرگە عيماراتتاردىڭ زاقىمدانعانى تۋرالى ناقتى اقپارات جوق. مەديتسينالىق قىزمەتتىڭ مالىمەتىنشە, شابۋىل سالدارىنان بىرنەشە ادام جاراقات العان.
جاۋاپ رەتىندە يزرايل قورعانىس كۇشتەرى بەيرۋت ماڭىنداعى «حەزبوللا» نىساندارىنا سوققى بەرە باستاعان.
«حەزبوللا» تاياۋ شىعىستاعى قاقتىعىسقا 2 اقپاندا ارالاسىپ, العاش بولىپ يزرايلگە سوققى جاساعان. ودان كەيىن يزرايل ليۆان اۋماعىنداعى «حەزبوللا» جانە يرانعا تيەسىلى نىساندارعا شابۋىل جاساي باستاعان.
ليۆان بيلىگى «حەزبوللانىڭ» ارەكەتتەرىن سىنعا الىپ, بۇل ۇيىم ەلدى سوعىسقا تارتىپ جاتقانىن مالىمدەدى.
