فوتو: instagram/janibek_alimkhanuly
ۇيىمنىڭ تارتىبىنە سايكەس, چەمپيوندىق تيتۋلدى جەڭىپ العاننان كەيىن توعىز ايدان كەشىكتىرمەي مىندەتتى قورعاۋ جەكپە-جەگىن وتكىزۋى ءتيىس. جانىبەك ءالىمحان ۇلى ءۇشىن بۇل تالاپتى ورىنداۋدىڭ سوڭعى مەرزىمى 2026 جىلدىڭ 4 شىلدەسى بولىپ بەلگىلەنگەن ەدى.
الايدا ول 2025 جىلدىڭ جەلتوقسانىندا دوپينگ-تەستتەن وتە الماۋىنا بايلانىستى كاسىپقوي بوكستان 1 جىلعا شەتتەتىلدى. سوندىقتان IBF باسشىلىعى چەمپيوندىق بەلبەۋدىڭ ازىرگە يەسى جوق ەكەنىن جاريالادى.
دوپينگ داۋى: جانىبەك ءالىمحان ۇلى Ring Magazine رەيتينگىنەن شىعىپ قالدى
ال جانىبەك ءالىمحان ۇلىنا تيەسىلى ورتا سالماقتا World Boxing Organization (WBO) نۇسقاسى بويىنشا الەم چەمپيونى بەلبەۋى ازىرگە وتانداسىمىزدىڭ ەنشىسىندە قالا بەرمەك.
بەلگىلى باپكەر جانىبەك ءالىمحان ۇلىنىڭ مانسابىنا قاتىستى پىكىر ءبىلدىردى
ايتا كەتەيىك, وتانداسىمىز WBO-نىڭ ۋاقىتشا تيتۋلىن 2022 جىلدىڭ مامىر ايىندا جەڭىپ الىپ, كەيىن ۇيىمنىڭ تولىققاندى چەمپيونى دارەجەسىنە كوتەرىلدى. اتالعان بەلبەۋىن بەس رەت ءساتتى قورعادى. ونىڭ ىشىندە ءۇش جەكپە-جەگىن ول 2023 جىلدىڭ قازان ايىندا جەڭىپ العان IBF تيتۋلىنان كەيىن وتكىزدى. ول كەزدە ءالىمحان ۇلى جەڭىلىپ كورمەگەن نەمىس بوكسشىسى ۆينچەنتسو گۋالتەريءدى نوكاۋتپەن جەڭگەن ەدى.
