قىز-كەلىنشەكتەرگە ارنالعان سالتاناتتى كەش تەاترلاندىرىلعان قويىلىممەن باستالدى. قويىلىم اياقتالعان سوڭ جىگىتتتەر زالدا وتىرعان بارلىق نازىك جاندارعا گۇل تاراتتى.
جاساندى ينتەللەكتىنىڭ كومەگىمەن «مەن ۇلى دالانىڭ قىزىمىن» اتتى بەينەبايان كورسەتىلدى.
ۇلىتاۋ وبلىسىنىڭ اكىمى داستان اداي ۇلى ادامزاتتىڭ اسىلى − انالاردى مەرەكەسىمەن قۇتتىقتادى.
«بۇگىندە وبلىسىمىزدا ايەلدەر مەن قىز-كەلىنشەكتەردىڭ سانى 111 مىڭعا جۋىق. بۇل − ءوڭىر حالقىنىڭ 51 پايىزى. سونىڭ ىشىندە 10 مىڭنان استام ايەل كوپبالالى انا مارتەبەسىنە يە. التىن قۇرساقتى انالاردىڭ سانى وتكەن جىلمەن سالىستىرعاندا 10 پايىزعا ارتتى. بۇل − وڭىرىمىزدە وتباسى قۇندىلىعىنىڭ نىعايىپ, دەموگرافيالىق ءوسىمنىڭ ارتىپ كەلە جاتقانىن كورسەتەدى. سونىمەن قاتار قۋانىشتى جاڭالىقتى بولىسكىم كەلەدى. اقوردا تورىندە مەملەكەت باسشىسى جاڭاارقا اۋدانىنداعى «اقەركە» بوبەكجايىنىڭ ديرەكتورى رايحان سماعۇلوۆاعا ۇرپاق تاربيەسىنە جانە ءبىلىم سالاسىنىڭ دامۋىنا قوسقان ۇزاق جىلعى ەڭبەگى ءۇشىن «قۇرمەت» وردەنىن تابىس ەتتى», دەدى ءوڭىر باسشىسى.
وبلىس اكىمى ءبىر توپ ۇلىتاۋلىق ايەل – انالارعا مەملەكەتتىك ماراپاتتى تابىس ەتتى. ەڭبەك ارداگەرى اليسا سۇتبايقىزى, جەزقازعان مىس قورىتۋ زاۋىتى جوندەۋ قۇرىلىس جانە ارنايى جۇمىستار تسەحىنىڭ سىلاقشىسى يرينا پاتلاسوۆا, جەكە كاسىپكەر مەرۋەرت قۇرمانعازىقىزى, «نەومەد» جشس ديرەكتورى مارال اليارقىزى «ەرەن ەڭبەگى ءۇشىن» مەدالىمەن ماراپاتتالدى.
قازاقستان رەسپۋبليكاسى پرەزيدەنتىنىڭ جارلىعىمەن نازيرا الىمجانقىزى, ليايليا تۇراشقىزى, ۆەنەرا ابدراحمانقىزى «التىن القا» يەگەرى اتاندى. ءماريام سۇلتاناليقىزى, ينديرا ەسبولعانقىزى, سامال كابدۋلاقىزى, التىن بولاتقىزى, ايگەرىم مەيىرجانقىزى «كۇمىس القامەن» ماراپاتتالدى.
ۇلىتاۋدا كونستيتۋتسيالىق رەفورمانىڭ ءمانى مەن ماڭىزى تالقىلاندى
«109» بىرىڭعاي بايلانىس ورتالىعىنىڭ مامانى اليما سەرىكقىزى پرەزيدەنتتىڭ قۇتتىقتاۋ حاتىنا يە بولدى.
ءۇيدىڭ عانا ەمەس, ءتۇزدىڭ دە جۇمىسىن قاتار الىپ جۇرگەن اسىل جانداردىڭ ەڭبەگى ەلەندى. مەملەكەتتىك مەكەمەلەردە, وندىرىستە, اكىمشىلىكتە, بىلىمدە, قۇقىقتا, عىلىمدا, مادەنيەت پەن ونەردە, مەديتسينادا, كاسىپكەرلىكتە جۇمىس ىستەپ جۇرگەن ارۋلار ۇلىتاۋ وبلىسىنىڭ قۇرمەت گراموتاسىمەن, ۇلىتاۋ وبلىسى اكىمىنىڭ العىس حاتىمەن, ۇلىتاۋ وبلىسىنىڭ قۇرمەت گراموتاسىمەن ماراپاتتالدى.
ماراپاتتىڭ سوڭى مەرەكەلىك كونتسەرتتىك باعدارلاماعا ۇلاستى.
ساحنادا تايجان قالماعامبەتوۆ اتىنداعى وبلىستىق فيلارمونيانىڭ ۆوكالدىق توبى, ەسترادا جۇلدىزى ەلامان ماجەنوۆ, بەلگىلى ءانشى, قازاقستاننىڭ ەڭبەك سىڭىرگەن قايراتكەرى قۇرماش ماحان بىرنەشە ءان ورىنداپ, ارۋلاردىڭ جۇرەگىنە جىلى شۋاق قۇيدى.
ۇلىتاۋ وبلىسى
