پەتروپاۆل. 26 ماۋسىم. الاشتىڭ اقيىق اقىنى ماعجان ەسىمىن يەلەنگەن فەستيۆال ءۇشىنشى رەت ۇيىمداستىرىلىپ, ەلىمىزدىڭ ءار تۇكپىرىنەن كەلگەن ونەرپازدار ءۇش اتالىم بويىنشا سىنعا ءتۇستى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى.
س. مۇقانوۆ اتىنداعى قازاق سازدى-دراما تەاترىندا وتكەن القالى باسقوسۋدا ايماق باسشىسى ەرىك سۇلتانوۆ ماعجان ونەر فەستيۆالى ۇلى اقىننىڭ شىعارماشىلىق مۇرالارىن جۇيەلى ناسيحاتتاپ, ەسىمىن ەل ەسىندە ساقتاۋ ماقساتىن دىتتەيتىنىن ايتا كەلىپ, جينالعانداردى ايتۋلى شارانىڭ باستالۋىمەن قۇتتىقتادى.
ماعجانعا ارنالعان جازبا اقىندار ءمۇشايراسى بويىنشا استانالىق دارابوز اقىن سەرىك تۇرعىنبەكوۆ ءبىرىنشى ورىندى يەلەندى. ماعجان ولەڭدەرىن مانەرلەپ وقۋ سايىسىندا پاۆلودارلىق ستۋدەنت باحاتحان ورازبەكتىڭ مەرەيى ۇستەم بولدى. ماعجان ولەڭدەرىنە جازىلعان اندەر كونكۋرسىندا قازاقستاننىڭ ەڭبەك سىڭىرگەن قايراتكەر قاليبەك دەرىپسالديننىڭ اتى وزدى (قوستاناي).
«ماعجان كوكتەمى» فەستيۆالىن قازىلار القاسىنىڭ توراعاسى, قازاقستان جازۋشىلار وداعى باسقارماسى توراعاسىنىڭ ءبىرىنشى ورىنباسارى عالىم جايلىباي قورىتىندىلاپ, بايقاۋ جەڭىمپازدارى مەن قاتىسۋشىلارعا وبلىس اكىمىنىڭ ديپلومدارى مەن العىس حاتتارىن, اقشالاي سىيلىقتار تابىس ەتتى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.
