«اقتوبە» فۋتبول كلۋبىنىڭ مالىمەتىنشە, بۇگىن تاڭەرتەڭ شىمكەنتتە جەرگىلىكتى «ورداباسى» مەن «اقتوبە» جاستار كوماندالارى اراسىندا باقىلاۋ ماتچى وتكەن. كەزدەسۋدىڭ ەكىنشى تايمىنىڭ باسىندا ويىن ساتتەرىنىڭ بىرىندە تۋىنداعان كەلىسپەۋشىلىك ەكى كوماندا ويىنشىلارى اراسىنداعى جاپپاي قاقتىعىسقا ۇلاسقان.
ليتۆانىڭ بىرنەشە دۇركىن چەمپيونى «اتىراۋ» كلۋبىنا باس باپكەر بولدى
جانجال سالدارىنان «اقتوبە» كومانداسىنىڭ ەكى جاس فۋتبولشىسى جاراقات العان. كلۋبتىڭ حابارلاۋىنشا, ولاردىڭ ءبىرى جاق سۇيەگىن سىندىرىپ, ەكىنشىسى يەك تۇسىنان جاراقات العان. دارىگەرلەر العاشقى ويىنشىعا وتا جاساۋ قاجەت ەكەنىن انىقتاعان.
ميللياردەر شۋحرات يبراگيموۆ «توبىل» فۋتبول كلۋبىن ساتىپ الدى
كلۋب وقيعاعا بايلانىستى رەسمي مالىمدەمە جاساپ, زورلىق-زومبىلىقتى قاتاڭ ايىپتايتىنىن ءبىلدىردى. «اقتوبە» فۋتبول كلۋبى ءتيىستى ورگاندار اتالعان جاعدايدى جان-جاقتى تەكسەرىپ, قۇقىقتىق باعا بەرەدى دەپ سەنىم بىلدىرەدى. سونداي-اق كلۋب جاراقات العان جاسوسپىرىمدەردىڭ تەز ساۋىعىپ كەتۋىن تىلەپ, ەم-دومىنا قاجەت بارلىق كومەكتى كورسەتەتىنىن مالىمدەدى.
