استانادا ۇلتتىق اسكەري-پاتريوتتىق ورتالىعىنىڭ ورتالىق اسكەري وركەسترى مەن قۇرمەت قاراۋىل روتاسى «Mega Silk Way» جانە «Asia Park» ساۋدا ورتالىقتارىندا تۇرعىندار كوڭىلىن كوتەردى.
اسكەري وركەستردىڭ ورىنداۋىندا تانىمال اندەر مەن بەلگىلى اۋەندەر شىرقالىپ, مەرەكەلىك كوڭىل كۇي سىيلاپ, كەلۋشىلەردىڭ نازارىن اۋداردى. اسكەري قىزمەتشىلەر ايەلدەردى مەرەكەمەن قۇتتىقتاپ, كوكتەمنىڭ, سۇلۋلىق پەن ىقىلاستىڭ بەلگىسى سانالاتىن قىزعالداق گۇلدەرىن تابىس ەتتى.
«مەن قىزىلوردادان كەلدىم. بىزدە اسكەري وركەسترلەردىڭ مۇنداي ونەر كورسەتۋى ءجيى بولا بەرمەيدى. بۇگىن اسكەري مۋزىكانتتار تاماشا كوڭىل كۇي سىيلادى. اسكەري فورما كيگەن ەر ازاماتتار ارقاشان سىمباتتى ءارى ادەمى كورىنەدى», دەپ اسەرىمەن ءبولىستى ولگا چەباكوۆا.
باعدارلاماعا ەرەكشە كورىك بەرگەن قۇرمەت قاراۋىل روتاسىنىڭ دەفيلەسى بولدى. ۇيلەسىمدى بىركەلكى قيمىلدار, ساپتىق شەبەرلىك پەن سالتاناتتى ورىنداۋ ارقىلى ولار كورەرمەندەردىڭ زور ىقىلاسىنا بولەندى.
اسكەري مۋزىكانتتاردىڭ مەرەكەلىك ونەر كورسەتۋى الماتى قالاسىندا دا ءوتتى. «جىبەك جولى» مەترو ستانساسىندا ۇلتتىق اسكەري-پاتريوتتىق ورتالىق فيليالىنىڭ ۇرمەلى وركەسترى جولاۋشىلارعا كونتسەرت قويىپ, تانىمال شىعارمالار مەن پوپۋرري ورىندادى.
مۇنداي مەرەكەلىك شارالار سەمەي قالاسىندا, سارىوزەك جانە گۆاردەيسك گارنيزوندارىندا دا ءوتتى.
