بۇگىندە قازاقستان دەنساۋلىق ساقتاۋ جۇيەسىندە شامامەن 280 مىڭعا جۋىق مەديتسينا قىزمەتكەرى ەڭبەك ەتەدى. ولاردىڭ 70%-دان استامىن ايەلدەر قۇرايدى. بۇل قاتاردا 56 مىڭ دارىگەر مەن 167 مىڭ مەيىرگەر بار.
مەديتسينا قىزمەتكەرلەرى ەمحانالار مەن ستاتسيونارلاردا, جەدەل جاردەم قىزمەتىندە, سانيتاريالىق اۆياتسيادا, عىلىمي ورتالىقتار مەن اۋىلدىق امبۋلاتوريالاردا جۇمىس ىستەپ, تۇرعىندارعا ساپالى ءارى قولجەتىمدى مەديتسينالىق كومەك كورسەتۋگە ۇلەس قوسىپ كەلەدى.
سالتاناتتى شارانى اشقان دەنساۋلىق ساقتاۋ ءمينيسترى اقمارال ءالنازاروۆا مەديتسينا جۇيەسىنىڭ دامۋىنا ايەلدەردىڭ قوسىپ وتىرعان ۇلەسى ەرەكشە ەكەنىن اتاپ ءوتتى.
«بۇگىندە ايەلدەرىمىز – جۇيەنىڭ سەنىمدى تىرەگى, جاڭا باستامالاردىڭ كوشباسشىسى, مەديتسينا سالاسىنداعى كادرلاردىڭ جارتىسىنان استامىن قۇرايتىن قۋاتتى كۇش. سالالىق رەفورمالاردىڭ تابىستى جۇزەگە اسۋى, ازاماتتاردىڭ دەنساۋلىعىن جاقسارتۋ جانە پروفيلاكتيكالىق باعىتتى كۇشەيتۋ – كوپ جاعدايدا سىزدەردىڭ ەڭبەكتەرىڭىزدىڭ ناتيجەسى. سىزدەردىڭ بىلىكتىلىكتەرىڭىز, جاۋاپكەرشىلىكتەرىڭىز جانە ىسكە ادالدىقتارىڭىز بۇكىل سالانىڭ تۇراقتىلىعىن قامتاماسىز ەتەدى», دەپ اتاپ ءوتتى مينيستر.
مەديتسينا فاكۋلتەتىنىڭ ستۋدەنتتەرى جاڭا كونستيتۋتسيا جوباسىن تالقىلادى
مينيستر ءوز سوزىندە قاسىم-جومارت توقاەۆتىڭ مەديتسينا سالاسىن دامىتۋعا جانە قىزمەتكەرلەردى قولداۋعا ەرەكشە كوڭىل ءبولىپ وتىرعانىن دا اتاپ ءوتتى.
