فوتو: primeminister.kz
قارجىلاندىرۋ مەن جوبالاردىڭ ىسكە اسۋى
بۇگىندە ۇلتتىق جوبا اياسىندا ماقۇلدانعان جوبالاردىڭ جالپى قۇنى 974 ملرد تەڭگەنى قۇرايدى. ونىڭ ىشىندە 34 جوبا – ىسكە اسىرۋ كەزەڭىندە, 130 جوبا – EPC-مەردىگەرلەردى ايقىنداۋ ساتىسىندا جانە 145 جوبا ىرىكتەۋدىڭ ءتۇرلى كەزەڭدەرىنەن وتۋدە.
«بايتەرەك» حولدينگى مىڭنان استام ءوتىنىمدى قاراپ, ەكىنشى كەزەڭدە جالپى سوماسى 300 ملرد تەڭگەدەن اساتىن 144 جوبانى كەلىسكەن. سونىڭ ىشىندە:
- 89 جوبا – قازاقستاننىڭ دامۋ بانكى مەن ەكىنشى دەڭگەيلى بانكتەر ارقىلى تىكەلەي كرەديتتەۋ تەتىگىمەن;
- 55 جوبا – قازاقستاندىق تۇرعىن ءۇي كومپانياسى ارقىلى مەملەكەتتىك باعالى قاعازداردى ساتىپ الۋ تەتىگىمەن ماقۇلدانعان.
اكىمدىكتەردىڭ ۇلتتىق جوبانى ىسكە اسىرۋعا دايىندىعى بويىنشا رەيتينگ جاسالدى. الماتى قالاسى, قاراعاندى جانە الماتى وبلىستارى الدىڭعى قاتاردا. ال ماڭعىستاۋ مەن ۇلىتاۋ وبلىستارى ازىرگە ارتتا قالىپ وتىر.
كارىزدىك-تازارتۋ قۇرىلىستارىن سالۋ جانە جاڭعىرتۋ باعىتىندا 16 جوبا تولىق ىسكە اسىرۋعا دايىن, تاعى 6 جوبا پىسىقتاۋ جانە اكىمدىكتەردىڭ تۇپكىلىكتى شەشىمىن كۇتۋ ساتىسىندا تۇر.
سۋ جابدىقتاۋ سالاسىندا زاماناۋي ەسەپكە الۋ جۇيەلەرىن ەنگىزۋ ءۇشىن ارنايى ستاندارتتار ازىرلەندى. قۇجاتتار ادىلەت مينيسترلىگىندە تىركەۋدەن وتۋدە.
ەكسج ەلەكتروندىق ساتىپ الۋ پلاتفورماسى بويىنشا بايلانىس ورتالىعى (8 7172 99-94-36) ىسكە قوسىلىپ, وسى ۋاقىتقا دەيىن 800-دەن استام ءوتىنىش تىركەلگەن. قازىرگى تاڭدا پلاتفورمانى Bitrix جۇيەسىمەن ىقپالداستىرۋ جۇمىستارى اياقتالۋعا جاقىن.
جاۋاپكەرشىلىك كۇشەيتىلەدى
قانات بوزىمباەۆ بەكىتىلگەن جوسپار-كەستەگە قاراماستان, جەكەلەگەن كورسەتكىشتەر بويىنشا ارتتا قالۋ بار ەكەنىن اتاپ ءوتتى. ءار ينديكاتور ءۇشىن جاۋاپتى مەملەكەتتىك ورگاندار بەلگىلەنگەن. ۆيتسە-پرەمەر ءاربىر نىسانالى كورسەتكىش بويىنشا ناقتى ءارى ەگجەي-تەگجەيلى ەسەپ بەرۋدى تالاپ ەتتى.
مەرزىمدەردىڭ بۇزىلۋى انىقتالعان جاعدايدا جاۋاپتى تۇلعالاردىڭ جەكە جاۋاپكەرشىلىگى قارالادى.
ۇلتتىق ەكونوميكا, ونەركاسىپ جانە قۇرىلىس مينيسترلىكتەرىنە تكش قازورتالىعىمەن جانە اكىمدىكتەرمەن بىرلەسىپ, 10 ناۋرىزعا دەيىن ەلەكتروندىق پلاتفورمادا بارلىق كونكۋرستاردى جاريالاۋ, EPC-مەردىگەرلەردى تولىق تىركەۋ جانە ءتۇسىندىرۋ جۇمىستارىن جۇرگىزۋ تاپسىرىلدى.
اكىمدىكتەرگە ماسليحاتتارمەن بىرلەسىپ, مەملەكەتتىك باعالى قاعازداردى شىعارۋ راسىمدەرىن جەدەلدەتۋ جۇكتەلدى. قارجى مينيسترلىگى «قتك» اق-پەن بىرگە جوبالاردى ءوتىنىم تۇسكەن سايىن سۇيەمەلدەۋى ءتيىس. ال «بايتەرەك» ۇبح» اق-عا اي سوڭىنا دەيىن دۇنيەجۇزىلىك بانكتى تارتا وتىرىپ, كارىزدىك-تازارتۋ جوبالارىن قارجىلاندىرۋ كەلىسىمدەرىن جەدەلدەتۋ مىندەتى قويىلدى.
جوبالىق كەڭسە ەلەكتروندىق پلاتفورما جۇمىسىنا قاتىستى بارلىق وتىنىشتەرگە جەدەل جاۋاپ بەرىپ, قاتىسۋشىلارعا ساتىپ الۋدىڭ بارلىق كەزەڭىندە تەحنيكالىق جانە كونسۋلتاتسيالىق قولداۋ كورسەتۋى قاجەت.
ۇلتتىق جوبا ەنەرگەتيكا جانە كوممۋنالدىق ينفراقۇرىلىمدى تۇبەگەيلى جاڭعىرتۋعا باعىتتالعان. ەندىگى مىندەت – بەكىتىلگەن جوسپاردى ۋاقىتىلى ءارى ساپالى ورىنداۋ.
قازاقستان ۇكىمەتى مەن ازيا دامۋ بانكى 15 جاڭا جوبانى جۇزەگە اسىرادى
