فوتو: aznews.tv
قازىر انكارا مەن تەگەران قالالارىن بايلانىستىراتىن نەگىزگى ءۇش شەكارالىق وتكىزۋ بەكەتى شتاتتىق رەجيمدە جۇمىس ىستەپ تۇر. رەسمي دەرەكتەرگە سايكەس, سوڭعى ءبىر تاۋلىكتە شەكارالىق وتكىزۋ بەكەتتەرى ارقىلى تۇركيا اۋماعىنا 350 كولىك كىرگەن. ولاردىڭ باسىم بولىگى – جۇك كولىكتەرى. تۇركيا شەكارادا قاۋىپسىزدىك شارالارىن كۇشەيتىپ, باقىلاۋ-وتكىزۋ بەكەتتەرىندە قۇجاتتاردى ءجىتى تەكسەرۋگە كوشكەن.
يراننىڭ جاڭا جوعارعى كوشباسشىسى سايلاندى
«اقش پەن ءيزرايلدىڭ يرانعا قارسى اسكەري وپەراتسياسى شيەلەنىسكەن كەزەڭدە تۇركيا مەن يران اراسىنداعى شەكارا بەكەتتەرى تۋرالى ءتۇرلى اقپارات تاراپ جاتىر. وسىعان بايلانىستى كەدەن قىزمەتتەرىنىڭ رەسمي مالىمەتتەرىنە سۇيەنە وتىرىپ يران مەن تۇركيا اراسىنداعى شەكارالىق وتكىزۋ بەكەتتەرى شتاتتىق رەجيمدە جۇمىس ىستەپ تۇرعانىن مالىمدەيمىن. يران ازاماتتارىنىڭ تۇركيا اۋماعىنا كىرۋىنە ۋاقىتشا تىيىم سالىندى. تۇركيا ازاماتتارى مەن باسقا ەلدەردىڭ وكىلدەرىنە شەكتەۋ جوق. سونىمەن قاتار جۇك تاسىمالى ەشقانداي كەدەرگىسىز جۇزەگە اسىرىلىپ جاتىر», دەيدى تۇركيالىق زاڭگەر وسمان ايدىن.
