سۋرەت: mezgil.kz
«ەلىمىزدەگى جاڭا نەگىزگى زاڭ جوباسى اياسىندا قاراستىرىلىپ وتىرعان ەڭ ماڭىزدى ماسەلەنىڭ ءبىرى – گەندەرلىك جانە وتباسىلىق-دەموگرافيالىق ساياسات. كەيىنگى جىلدارى ەلىمىزدە گەندەرلىك تەڭدىكتى نىعايتۋ مەن ايەلدەرگە قاتىستى كەمسىتۋشىلىكتى جويۋعا باعىتتالعان بىرقاتار ناقتى ءارى جۇيەلى شارا قابىلداندى. دەسەك تە, ءبىز گەندەرلىك جانە وتباسىلىق-دەموگرافيالىق ساياساتتى جەتىلدىرۋ باعىتىندا ودان ءارى ناقتى قادامدار جاساۋىمىز قاجەت», دەدى پرەزيدەنتتىك ورتالىق ديرەكتورى باقىتجان تەمىربولات.
بۇۇ ايەلدەر قۇرىلىمىنىڭ ورتالىق ازيا بويىنشا ۇيلەستىرۋ كەڭسەسىنىڭ باسشىسى, قازاقستانداعى بۇۇ ايەلدەر قۇرىلىمىنىڭ ەلدىك وكىلدىگىنىڭ وكىلى گيۋرەس دجەرەن گيۋۆەننىڭ ايتۋىنشا, گەندەرلىك تەڭدىك ينكليۋزيۆتى جانە ورنىقتى دامۋدىڭ نەگىزگى ەلەمەنتى بولىپ قالا بەرەدى. ساياسي كونتەكستىڭ وزگەرۋى, دەموگرافيالىق ۇدەرىستەر مەن كليماتتىڭ وزگەرۋى ءبىر جاعىنان جاڭا مۇمكىندىكتەر اشسا, ەكىنشى جاعىنان ساقتالىپ وتىرعان تەڭسىزدىكتەردى ايقىنداي تۇسەدى.
«كونستيتۋتسيالىق جاڭعىرتۋ نەگىزگى قۇقىقتاردى راستاۋعا, ينستيتۋتسيونالدىق كەپىلدىكتەردى نىعايتۋعا جانە گەندەرلىك تەڭدىكتىڭ ۇلتتىق دامۋ باسىمدىقتارىنىڭ اجىراماس بولىگى بولىپ قالۋىن قامتاماسىز ەتۋگە ماڭىزدى سەرپىن بەرەدى. كونستيتۋتسيالىق رەفورما مەملەكەتتىك باسقارۋ مەن قۇقىقتىق جۇيەلەردە كەپىلدىكتەردى كۇشەيتۋدىڭ قۇقىقتىق نەگىزىن قالىپتاستىرادى», دەدى بۇۇ وكىلى.
سونىمەن قاتار ساراپشىلار تەڭ قۇقىقتار مەن مۇمكىندىكتەردى قامتاماسىز ەتۋگە, وتباسى, انا مەن بالانى قورعاۋعا باعىتتالعان جاڭارتىلعان كونستيتۋتسيالىق تاسىلدەرگە تالداۋ جاسادى.
پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەسى, «تسيفرلىق ترانسفورماتسيا» قوعامدىق قورىنىڭ نەگىزىن قالاۋشى ازيزا شۋجeەۆانىڭ پىكىرىنشە, كونستيتۋتسيانىڭ جاڭا رەداكتسياسىندا ازاماتتاردىڭ دەربەس دەرەكتەرىن قورعاۋ, تسيفرلىق ورتاداعى جەكە ومىرگە قول سۇقپاۋ, حات-حابار الماسۋ جانە بانك قۇپياسىن ساقتاۋ قۇقىعى تىكەلەي بەكىتىلگەن. وسىلايشا, اتالعان كەپىلدىكتەر زاڭ نورماسى عانا ەمەس, كونستيتۋتسيالىق مارتەبەگە يە بولدى.
كونفەرەنتسيا قورىتىندىسىندا ساراپشىلار گەندەرلىك ساياساتتى دامىتۋدىڭ باسىم باعىتتارىن ايقىنداپ, زاماناۋي الەۋمەتتىك-ەكونوميكالىق, مادەني وزگەرىستەر جاعدايىندا وتباسىلىق قۇندىلىقتاردى نىعايتۋدىڭ ماڭىزى زور دەپ اتاپ ءوتتى. بۇل باعىتتار ينكليۋزيۆتى جانە ورنىقتى قوعام قالىپتاستىرۋعا نەگىزدەلگەن.
