فوتو: اقوردا
پرەزيدەنت يرانعا قارسى سوعىسقا قاتىسپاعان شىعاناقتاعى ەلدەردىڭ ازاماتتىق نىساندارىنا اۋەدەن شابۋىلداۋعا بايلانىستى الاڭداۋشىلىق تانىتتى.
قاسىم-جومارت توقاەۆ قازاقستاننىڭ جاعدايدى ۋشىقتىرماي, تاراپتاردى ديالوگ پەن ديپلوماتيا ارقىلى قاقتىعىستى شەشۋ جولدارىن ىزدەۋگە شاقىراتىنىن اتاپ ءوتتى.
بۇل رەتتە پرەزيدەنت ايماقتاعى بىتىمگەرلىك ارەكەتتەرگە بەلسەنە اتسالىساتىن ەل رەتىندە وماننىڭ حالىقارالىق ابىروي-بەدەلى جوعارى ەكەنىنە نازار اۋداردى. مەملەكەت باسشىسى ەلىمىزدىڭ ازاماتتارىن قاقتىعىس ايماعىنان ومان ارقىلى ەۆاكۋاتسيالاۋ ماسەلەسىنە تىكەلەي ارالاسقانى ءۇشىن سۇلتان حايسام بەن تاريق ءال سايدقا ريزاشىلىعىن ءبىلدىردى.
ءوز كەزەگىندە حايسام بەن تاريق ءال سايد قاسىم-جومارت توقاەۆتىڭ شىنايى قولداۋىنا العىس ايتىپ, قاسيەتتى رامازان ايىندا قازاقستان حالقىنا باق-بەرەكە تىلەدى.
قاسىم-جومارت توقاەۆ ومان سۇلتانىن جىل سوڭىنا دەيىن قازاقستانعا مەملەكەتتىك ساپارمەن كەلۋگە شاقىراتىنىن تاعى دا راستادى. بۇل ساپار ەكى ەل اراسىنداعى ءداستۇرلى دوستىق قاتىناستاردى جاڭا دەڭگەيگە كوتەرۋ تۇرعىسىنان ايرىقشا ماڭىزعا يە بولماق.
سۇلتان حايسام بەن تاريق ءال سايد الەمدىك قوعامداستىقتا بەدەلى زور مەملەكەتتىڭ باسشىسى شاقىرۋىن ىقىلاسپەن قابىل الاتىنىن مالىمدەدى.
ەسكە سالا كەتەيىك, بۇعان دەيىن مەملەكەت باسشىسى ىشكى ىستەر ءمينيسترى ەرجان سادەنوۆءتى قابىلدادى.
