2 ناۋرىز كۇنى وبلىستىق دەنساۋلىق ساقتاۋ باسقارماسى ەم الىپ جاتقان 3 ناۋقاستىڭ جاعدايى ناشار ەكەنىن حابارلاعان ەدى. بۇگىن توتەنشە جاعدايدان زارداپ شەككەن ءبىر ازامات قايتىس بولعان.
باسقارما مالىمەتىنشە, تاعى ءتورت زارداپ شەككەن ناۋقاس ششۋچينسك قالاسىندا ەم قابىلداپ جاتىر.
ەسكە سالايىق, 27 اقپان كۇنى بەس قاباتتى تۇرعىن ۇيگە جاپسارلاس سالىنعان ءبىر قاباتتى دامحانادا گاز-اۋا قوسپاسىنىڭ جارىلىسى بولىپ, ارتىنشا ءورت شىققان ەدى. سول كۇنى وقيعا سالدارىنان شامامەن 20 ادام زارداپ شەگىپ, جەتى ادام قازا تاپقانى حابارلانعان.
كەيىننەن زارداپ شەككەندەردىڭ سانى 28 ادامعا جەتكەنى مالىمدەلىپ, جارىلىسقا قاتىستى قىلمىستىق ءىس قوزعالدى.
سونداي-اق بۋراباي اۋدانىنىڭ اكىمدىگى جارىلىستان قازا تاپقانداردىڭ وتباسىنا 2 ملن تەڭگە بەرىلەتىنىن جەتكىزدى.
