فوتو: وقۋ-اعارتۋ مينيسترلىگى
وقۋ-اعارتۋ مينيسترلىگىنىڭ مالىمەتىنشە, بۇل كابينەتتەردە بالاعا قولايلى ورتا قالىپتاستىرىلىپ, العاشقى پسيحولوگيالىق كومەكتەن باستاپ سوت-مەديتسينالىق ساراپتاماعا دەيىنگى بارلىق قاجەتتى قىزمەت ءبىر جەردە كورسەتىلەدى. سونداي-اق بەيىندى مامانداردىڭ قاتىسۋىمەن ساۋالناما جۇرگىزىلەدى. وسىلايشا, بالانىڭ ءارتۇرلى مەكەمەلەردى جاعالاپ ءجۇرۋى توقتاتىلىپ, ونىڭ پسيحولوگيالىق تۇرعىدان قايتا جاراقات الۋىنا جول بەرىلمەيدى.
اتالعان باستاما 2025 جىلعى 30 جەلتوقساندا مەملەكەت باسشىسى قول قويعان «قۇقىق بۇزۋشىلىقتاردىڭ الدىن الۋ تۋرالى» زاڭدا كوزدەلگەن. نورما 2026 جىلعى 2 ناۋرىزدان باستاپ كۇشىنە ەنەدى.
قازىرگى ۋاقىتتا كابينەتتەردىڭ قىزمەت قاعيدالارى ازىرلەنىپ جاتىر. قۇجات بەكىتىلگەننەن كەيىن وڭىرلەردە ولاردى كەزەڭ-كەزەڭىمەن اشۋ جوسپارلانعان.
زاڭ شەڭبەرىندە زورلىق-زومبىلىققا, قاتىگەزدىككە, بۋللينگكە ۇشىراعان نەمەسە سونىڭ كۋاسى بولعان كامەلەتكە تولماعانداردى انىقتاۋ جانە ولارعا كومەك كورسەتۋ قاعيدالارى دا دايىندالدى. اتالعان قۇجاتتا:
- وسىنداي بالالاردى انىقتاۋ ءتارتىبى;
- كومەك كورسەتۋ تەتىكتەرى;
- مەملەكەتتىك ورگانداردىڭ, ءبىلىم بەرۋ ۇيىمدارىنىڭ, 111 بايلانىس ورتالىعىنىڭ, بالا قۇقىقتارى جونىندەگى ۋاكىل مەن وڭىرلىك ۋاكىلدەردىڭ ءوزارا ءىس-قيمىل الگوريتمدەرى ناقتى ايقىندالعان.
بۇل تەتىك ۆەدومستۆوارالىق جەدەل ارەكەت ەتۋگە جانە بالالارعا ۋاقتىلى, كەشەندى كومەك كورسەتۋگە مۇمكىندىك بەرەدى.
قاراعاندىدا اناسىنان ءزابىر كورگەن 4 جاستاعى بالانىڭ ىسىنە قاتىستى سوت ۇكىمى شىعارىلدى
جاڭا باستاما – بالانىڭ قۇقىعى مەن قاۋىپسىزدىگىن قورعاۋعا باعىتتالعان ناقتى قادام. ەندىگى مىندەت – قابىلدانعان نورمالاردى ءتيىمدى جۇزەگە اسىرىپ, ءاربىر بالانىڭ قاۋىپسىز ورتادا ءومىر ءسۇرۋىن قامتاماسىز ەتۋ.
استانادا زورلىق-زومبىلىق كورگەن ايەلدەر مەن بالالارعا قولداۋ كورسەتىلدى
