«دارىستە امەريكالىق پروفەسسور قازاقستاندا كونستيتۋتسيالىق رەفورما ءجۇرىپ جاتقانىن بىلەتىنىن ايتتى. شىنىمدى ايتسام, بۇل مەنى تاڭعالدىردى. مىڭداعان شاقىرىم الىستا وتىرسا دا, ءبىزدىڭ ەلدەگى وزگەرىستەردى باقىلاپ وتىر. سوسىن ول ماعان قازاقستاندا ناقتى نە وزگەرىپ جاتقانىن ايتىپ بەرۋدى سۇرادى. اۋديتوريادا امەريكالىق ستۋدەنتتەر, ال قازاقستاننان جالعىز مەنمىن. سول ساتتە بۇل جاي اكادەميالىق تاپسىرما ەمەس ەكەنىن, ءوز ەلىمنىڭ اتىنان سويلەپ تۇرعانىمدى سەزىندىم. رەفەرەندۋمنىڭ ماڭىزىن, زاڭ ارقىلى جۇيەلى وزگەرىستەر مەن مەملەكەتىمىزدىڭ ينستيتۋتتارى كۇشەيىپ جاتقانىن ءتۇسىندىردىم. شەتەلدە وتىرىپ, ەلىڭ تۋرالى ايتۋ – ەرەكشە جاۋاپكەرشىلىك. ويتكەنى سەن قازاقستاندى قالاي جەتكىزسەڭ, ادامدار ونى سولاي قابىلدايدى. بۇگىن مەن ءبىر نارسەنى انىق سەزىندىم: قازاقستان ىشكى وزگەرىستەرمەن عانا ەمەس, الەمدىك اكادەميالىق ورتادا دا تالقىلانىپ جاتىر. بۇل ءبىزدىڭ ەلدىڭ دامىپ جاتقانىن كورسەتەدى. جانە مەن ونىڭ وزگەرىستەرىن ماقتان ەتەمىن», دەدى پرورەكتور.
ايتا كەتەيىك, حانگەلدى نۇرداۋلەت بۇگىندە امەريكادا «بولاشاق» باعدارلاماسى بويىنشا ءبىلىم الىپ جاتىر. ونىڭ وقۋ مەرزىمى – 1 جىل. ءوزى تۇركىستان وبلىسىندا دۇنيەگە كەلگەن. ول تۇركىستان وبلىسىندا دۇنيەگە كەلگەن, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇلەگى. ماماندىعى – تاريحشى, زاڭ عىلىمدارىنىڭ ماگيسترى.
ول بۇعان دەيىن قازاقستاننىڭ ءبىلىم جانە عىلىم مينيسترلىگىندە, وقۋ-اعارتۋ مينيسترلىگىندە, پارلامەنت ماجىلىسىندە جاۋاپتى قىزمەتتەر اتقارعان. سونىمەن قاتار ى.التىنسارين اتىنداعى ارقالىق پەداگوگيكالىق ينستيتۋتىنىڭ عىلىمي قىزمەتكەرى, «تۇران-استانا» ۋنيۆەرسيتەتىنىڭ حالىقارالىق باعدارلامالار جانە جوبالار جونىندەگى پرورەكتورى بولعان.
