فوتو: اشىق دەرەككوز
«قازسۋشاردىڭ» سولتۇستىك قازاقستان وبلىسىنداعى فيليالى جۇرگىزگەن جۇمىستار اياسىندا ەكى گيدروتوراپتا دا جاعالاۋدى بەكىتۋ شارالارى اتقارىلدى. بيىلعى جوسپارعا سايكەس, اتالعان نىسانداردا 7 ءىس-شارانى جۇزەگە اسىرۋ كوزدەلگەن, ولاردىڭ بارلىعى ورىندالعان.
ەكى گيدروتوراپتا سقو توتەنشە جاعدايلار دەپارتامەنتى حابارلاندىرۋ جۇيەسىمەن ىقپالداستىرىلعان جەرگىلىكتى ەسكەرتۋ جۇيەلەرىمەن جابدىقتالعان. بۇل توتەنشە جاعداي تۋىنداعان جاعدايدا جەدەل ارەكەت ەتۋگە مۇمكىندىك بەرەدى.
سەرگەەۆ گيدروتورابى ەسىل وزەنى اعىنىن رەتتەيتىن نەگىزگى نىسان سانالادى جانە پەتروپاۆل گيدروتورابىمەن كاسكادتى جۇيەدە جۇمىس ىستەيدى. اتالعان ەكى نىسان سولتۇستىك قازاقستان وبلىسىن, سونداي-اق ءىشىنارا قوستاناي وبلىسى مەن اقمولا وبلىسى اۋماقتارىن سۋمەن قامتاماسىز ەتەتىن ءبىرتۇتاس سۋ شارۋاشىلىعى كەشەنىن قۇرايدى.
فيليال ديرەكتورى ەرجان كۇسىمباەۆتىڭ ايتۋىنشا, دايىندىق شارالارى كەشەندى تۇردە جۇرگىزىلگەن.
«اۆاريالىق كەزەكشى بريگادالار قۇرىلدى, ماماندار قاجەتتى جابدىقتارمەن جانە قۇرال-سايماندارمەن قامتاماسىز ەتىلدى. ۋچاسكەلەردەگى قىزمەتكەرلەرگە قاۋىپسىزدىك تەحنيكاسى بويىنشا نۇسقاۋلىق وتكىزىلدى. سۋ قويمالارىنىڭ تولۋ دەڭگەيىن تاۋلىك بويى باقىلاۋ جانە سۋ تاسقىنى جاعدايى تۋرالى اقپاراتتى مۇددەلى مەملەكەتتىك ورگاندارعا, سونداي-اق رەسەي فەدەراتسياسىنداعى ارىپتەستەرگە جەتكىزۋ ءۇشىن جەدەل شتابتىڭ جۇمىسى ۇيىمداستىرىلدى»,
مامانداردىڭ مالىمەتىنشە, قابىلدانعان شارالار كوكتەمگى سۋ تاسقىنى كەزەڭىندە قاۋىپ-قاتەردىڭ الدىن الۋعا جانە وڭىردەگى ەلدى مەكەندەر مەن ينفراقۇرىلىم نىساندارىنىڭ قاۋىپسىزدىگىن قامتاماسىز ەتۋگە باعىتتالعان.
