نەگىزگى جاڭاشىلدىقتاردىڭ ءبىرى – ءنومىردى كوشىرۋ تۋرالى سۇرانىسقا دونور-وپەراتوردىڭ جاۋاپ بەرۋىنە ناقتى ۋاقىت شەگىن بەلگىلەۋ. ۇسىنىسقا سايكەس, ءوتىنىمدى وڭدەۋ ورتالىق دەرەكتەر بازاسىندا تىركەلگەن ساتتەن باستاپ 10 مينۋتتان اسپاۋى ءتيىس.
سونىمەن قاتار ءنومىردى كوشىرۋگە قوسىمشا تالاپ ەنگىزۋ ۇسىنىلادى: ەگەر ابونەنتتىك ءنومىر العاش رەت ىسكە قوسىلعان كۇننەن باستاپ 60 كۇنتىزبەلىك كۇن وتپەسە, وپەراتور قىزمەت كورسەتۋدەن باس تارتا الادى. بۇل شارا ىقتيمال تەرىس پايدالانۋدىڭ الدىن الۋ جانە بايلانىس نارىعىن قورعاۋ ماقساتىندا قاراستىرىلعان.
تۇزەتۋلەر جوباسى «اشىق نقا» پورتالىندا قوعامدىق تالقىلاۋعا شىعارىلدى. تالقىلاۋ اياقتالىپ, وزگەرىستەر بەكىتىلگەننەن كەيىن جاڭا ەرەجەلەر بەلگىلەنگەن تارتىپپەن كۇشىنە ەنۋى مۇمكىن.
قازاقستاندا ءنومىردى ءبىر وپەراتوردان ەكىنشىسىنە اۋىستىرۋ ەرەجەسى وزگەرۋى مۇمكىن
