جاقىندا جەزقازعان قالاسىندا ۇلتتىق بانكتىڭ ۇلىتاۋ وبلىسىنداعى فيليالى عيماراتىنىڭ رەسمي اشىلۋى ءوتتى. سالتاناتتى ءىس-شاراعا ۇلتتىق بانك توراعاسى تيمۋر سۇلەيمەنوۆ پەن ۇلىتاۋ وبلىسىنىڭ اكىمى داستان رىسپەكوۆ قاتىستى.
عيمارات شتات سانىنا قاراي 60 قىزمەتكەرگە ەسەپتەلگەن. مۇندا ارنايى ساقتاۋ قويماسى, كاسسا قىزمەتىن كورسەتۋ ايماقتارى, جۇمىس پروتسەسى مەن قوعامدىق ءىس-شارالار ءۇشىن ارنايى ورىندار قاراستىرىلعان. قولجەتىمدى ورتا قاعيداتىن ىسكە اسىرۋ اياسىندا قوزعالىسى قيىن ازاماتتارعا دا جاعداي جاسالعان.
جاڭا عيماراتتا مۋزەي اشۋ جوسپاردا بار, وندا قرۇب بانكنوتالارى مەن مونەتالارىنان تۇراتىن كوللەكتسيا قويىلىپ, ءوڭىردىڭ قارجى جۇيەسىنىڭ دامۋ تاريحىن باياندايتىن ارنايى ەكسپوزيتسيا بولادى.
