قازاقستان ۋاقىتىمەن ساعات 14:00-دە شاڭعى جارىسىنان باسەكە باستالادى. ايەلدەر 30 شاقىرىمدىق قاشىقتىقتا سىنعا تۇسەدى. ماسس-ستارت جارىسىنا نادەجدا ستەپاشكينا مەن اننا مەلنيك قاتىسادى.
22 اقپاننان 23 اقپانعا قاراعان ءتۇنى (قازاقستان ۋاقىتىمەن) وليمپيادانىڭ جابىلۋ سالتاناتى وتەدى.
قازاقستان قۇراماسى وليمپيادا-2026 ويىندارىن ءبىر التىن مەدالمەن اياقتاپ, جالپىكوماندالىق ەسەپتە 19-ورىنعا تۇراقتادى.
ميحايل شايدوروۆ وليمپيادادا ونەر كورسەتكەن كوستيۋمىن مۇراجايعا تاپسىردى
ايتا كەتەيىك, قىسقى وليمپيادا-2026 جارىستارىندا قازاقستان اتىنان 10 سپورت ءتۇرى بويىنشا 36 سپورتشى ونەر كورسەتىپ جاتىر. اتاپ ايتقاندا, بياتلون, شاڭعى جارىسى, تۇعىردان سەكىرۋ, شاڭعى قوسسايىسى, فريستايل-موگۋل, فريستايل-اكروباتيكا, تاۋ شاڭعىسى سپورتى, شورت-ترەك, كونكيمەن جۇگىرۋ جانە مانەرلەپ سىرعاناۋ.
دجەكي چان, گەننادي گولوۆكين جانە ميحايل شايدوروۆ ميلاندا كەزدەستى
سونداي-اق قازاقستان وليمپيادادا تورەشىلەر قۇرامىندا دا ۇسىنىلعان. ەلىمىزدىڭ وكىلدەرى فريستايل-موگۋل جانە مانەرلەپ سىرعاناۋ بويىنشا قازىلىق ەتۋدە.
