تۇڭعىشباي جامانقۇلوۆ الەۋمەتتىك جەلىدەگى پاراقشاسىندا جاريالاعان بەينەۇندەۋىندە ەلدە ماڭىزدى تاريحي كەزەڭ باستالعالى تۇرعانىن اتاپ ءوتتى. ونىڭ ايتۋىنشا, جاڭا اتا زاڭ مەملەكەتتىلىكتىڭ ءمانىن ايقىندايتىن قۇجات بولماق. ونەر يەسى بۇل قۇجاتتى ەل تاريحىنداعى ەرەكشە وقيعا دەپ باعالادى.
«بۇل اتا زاڭنىڭ ءاربىر بابى بويىنشا حالىق ءوزىنىڭ ويىن اشىق ءبىلدىرىپ جاتىر. كوپ ماسەلەمەن قوسىلامىن. كوميسسيا قۇرامىندا وتىرعان ادامدار تۇسكەن ۇسىنىستاردى قابىلداپ جاتىر. مەنىڭشە, بۇل ءبىزدىڭ ەلىمىزدەگى ەرەكشە وقيعا. وسى ۋاقىتقا دەيىن كونستيتۋتسياعا تالاي رەت وزگەرىس ەنگىزىلدى. بۇل جولى اتا زاڭ ءوز اتاۋىنا ساي ءادىل بولادى دەپ سەنەمىن. حالىق ءۇشىن دە, مەملەكەت ءۇشىن دە بۇل زاڭنىڭ ۇلكەن ءمانى بار», دەدى ونەر قايراتكەرى.
تۇڭعىشباي جامانقۇلوۆ 15 ناۋرىز كۇنى رەفەرەندۋمعا بارىپ, ءوز تاڭداۋىن جاسايتىنىن مالىمدەپ, حالىقتى دا بەلسەندىلىك تانىتۋعا شاقىردى.
ايتا كەتەيىك, 2026 جىلعى 15 ناۋرىزدا رەسپۋبليكالىق رەفەرەندۋم وتەدى. ءتيىستى جارلىققا پرەزيدەنت قاسىم-جومارت توقاەۆ قول قويدى.
