فوتو: اشىق دەرەككوز
ۆەدومستۆو تاراتقان اقپاراتقا سۇيەنسەك, زارداپ شەككەن وقۋشى 19 اقپان كۇنى كوپبەيىندى قالالىق اۋرۋحانادان جەدەل تۇردە كوپبەيىندى وبلىستىق ورتالىقتىڭ نەيروحيرۋرگيا بولىمىنە اۋىستىرىلعان. بۇل قادام ناۋقاسقا مامانداندىرىلعان نەيروحيرۋرگيالىق كومەك كورسەتۋ جانە شۇعىل تۇردە وپەراتسيالىق ەم جۇرگىزۋ ماقساتىندا جاسالعان.
«قازىرگى ۋاقىتتا پاتسيەنت ءتيىستى ەم-دوم قابىلداپ, تولىق تەكسەرۋدەن وتۋدە. ونىڭ دەنساۋلىق جاعدايى تۇراقتى دەپ باعالانادى, جاعدايىنىڭ بىرتىندەپ جاقسارۋى بايقالادى», دەلىنگەن باسقارما حابارلاماسىندا.
ەستەرىڭىزگە سالا كەتەيىك, اقپاننىڭ 17-ءسى كۇنى نازارباەۆ زياتكەرلىك مەكتەبىنىڭ وقۋشىسى عيماراتتىڭ ءۇشىنشى قاباتىنان قۇلاپ كەتكەن. وسى وقيعاعا قاتىستى پوليتسيا دەپارتامەنتى قىلمىستىق كودەكستىڭ 105-بابى, ياعني «وزىنە-ءوزى قول جۇمساۋعا يتەرمەلەۋ» دەرەگى بويىنشا سوتقا دەيىنگى تەرگەپ-تەكسەرۋ امالدارىن باستادى. ءبىلىم ورداسىنداعى وقىس جاعدايدىڭ ءمان-جايى قۇزىرلى ورگانداردىڭ باقىلاۋىندا.
