فوتو: yuz.uz/ru
سىرتقى ىستەر مينيسترلىگىنىڭ مالىمەتىنشە, كەلىسسوزدەر بارىسىندا تاراپتار قازاقستان مەن وزبەكستاننىڭ اتوم ەنەرگياسىن بەيبىت ماقساتتا پايدالانۋ سالاسىنداعى ىنتىماقتاستىعىنىڭ نەگىزگى باعىتتارىن تالقىلادى. اسىرەسە جيزاق وبلىسىندا اتوم ەلەكتر ستانتسياسىن سالۋ جوباسىن ىسكە اسىرۋعا, سونداي-اق وڭىردەگى يادرولىق جانە ەكولوگيالىق قاۋىپسىزدىكتى قامتاماسىز ەتۋ ماسەلەلەرىنە باسا نازار اۋدارىلدى.
ديپلومات رادياتسيالىق مونيتورينگ دەرەكتەرىمەن الماسۋدى جولعا قويۋدى, قورشاعان ورتاعا اسەرى بويىنشا كونسۋلتاتسيالار باستاۋدى, سونداي-اق شەكارا ماڭىنداعى توتەنشە جاعدايلارعا ارەكەت ەتۋ جونىندەگى بىرلەسكەن وقۋ-جاتتىعۋلار وتكىزۋدى ۇسىندى.
كەزدەسۋ قورىتىندىسى بويىنشا كونسترۋكتيۆتى ديالوگتى جالعاستىرۋ جونىندە كەلىسىمگە قول جەتكىزىلدى. اتاپ ايتقاندا, 2026 جىلدىڭ ءۇشىنشى-ءتورتىنشى توقسانىندا قازاقستاننىڭ اتوم ەنەرگياسى اگەنتتىگى وكىلدەرىنىڭ «ۋزاتومعا» جوسپارلانعان جۇمىس ساپارى اياسىندا ءوزارا ءىس-قيمىل جالعاسادى.
قازاقستانداعى العاشقى اتوم ەلەكتر ستانتسياسىن «روساتوم» كومپانياسى باسقاراتىن كونسورتسيۋم سالادى. رەسەيلىك كومپانيا وزبەكستانداعى اەس قۇرىلىسىن دا جۇزەگە اسىرادى.
قازاقستان مەن وزبەكستان تەمىرجول تاسىمالىنىڭ الەۋەتىن ارتتىرادى
