جولاۋشى 2025 جىلعى 26 شىلدەدە قىزىلوردا – الماتى باعىتى بويىنشا رەيسكە اۋە بيلەتتەرىن ساتىپ العان. ول 16 تامىزدا تىركەۋدەن ءوتىپ, اۋەجايعا كەلگەننەن كەيىن اۋە كومپانياسىنىڭ قىزمەتكەرلەرى تىركەۋدىڭ جويىلعانىن ءتۇسىندىرىپ, ونى اۋە كەمەسىنىڭ بورتىنا جىبەرمەگەن.
وسىعان بايلانىستى تالاپ قويۋشى سوتتان جاۋاپكەردەن ماتەريالدىق زالالدى (بيلەت قۇنى جانە بايلانىستى شىعىندار), سونداي-اق مورالدىق زيان وتەماقىسىن ءوندىرۋدى سۇراعان.
سوت تالاپ قويۋشىنىڭ رەيسكە تىركەۋدەن وتكەنىن, الايدا اۋە كەمەسىنە وتىرعىزىلماعانىن انىقتادى.
«جاۋاپكەر سوتقا جولاۋشىنى تاسىمالداۋدان باس تارتۋعا زاڭدى نەگىزدەر جوق ەكەنىن دالەلدەي المادى. وسىلايشا, اۋە كومپانياسى جولاۋشىنى اۋە تاسىمالداۋ شارتى بويىنشا ءوز مىندەتتەمەلەرىن تيىسىنشە ورىنداماعان جانە تالاپ قويۋشىعا كەلتىرىلگەن زالال ءۇشىن جاۋاپتى بولىپ ەسەپتەلەدى», دەپ حابارلادى سوت.
بيلەت بار, ورىن جوق: قاراعاندىلىق تۇرعىن اۋەكومپانياسىنان وتەماقى ءوندىرىپ الدى
سوت شەشىمىمەن تالاپ ءىشىنارا قاناعاتتاندىرىلىپ, تالاپ قويۋشىنىڭ پايداسىنا 500 000 تەڭگە مولشەرىندە مورالدىق زيان وتەماقىسى, سونداي-اق سوت شىعىندارى ءوندىرىلدى.
سوت شەشىمى زاڭدى كۇشىنە ەندى.
