سول سوعىس باستالاردان ءبىر كۇن بۇرىن سەمەيدەگى №1 چەرنىشەۆسكي اتىنداعى مەكتەپتىڭ تۇلەكتەرى ءبىلىم ورداسىنىڭ اۋلاسىنا بىزدەن ەستەلىك دەپ تەرەك كوشەتىن وتىرعىزعان. سودان بەرى 75 جىل ءوتىپ وتىر. سول كۇنى 21 ماۋسىمدا 10 سىنىپتى ونشاقتى عانا بالا بىتىرگەن, ايانىشتىسى – بارلىعى دا بىردەي 22 ماۋسىم كۇنى سوعىسقا شاقىرتىلىپ, بىردەن اتتانعان. كوشەت بولسا بۇگىندە قارياعا اينالعانداي. – بۇل تەرەكتىڭ تاريحى جىل سايىن ۇرپاقتان-ۇرپاققا اۋىزشا ايتىلىپ, ءتۇسىندىرىلىپ كەلەدى, – دەيدى №1 مەكتەپ ديرەكتورىنىڭ ورىنباسارى زۋلفيا بەحتولد, – وسى ارقىلى ءبىز وقۋشىلارىمىزدىڭ پاتريوتتىق سەزىمىن شىڭدايمىز. بيىل بۇل تەرەك اعاشىنىڭ اينالاسى قورشالىپ, ەستەلىك رەتىندە مەموريالدىق تاقتايشا ءىلىندى. وسى مەكتەپتەن سوعىسقا اتتانعاننىڭ ءبىرى كەڭەس وداعىنىڭ باتىرى ۆلاديمير زاسيادكو, ول ءتىرى بولعاندا 96 جاسقا تولار ەدى. مەكتەپتىڭ تاعى ءبىر اتى اڭىزعا اينالعان تۇلەگى مارقۇم لەونيد افاناسەۆ, ول ەسكادريليا كومانديرى بولعان, «تەني يسچەزايۋت ۆ پولدەن» فيلمىنە مۋزىكا جازعان كومپوزيتور رەتىندە وداققا تانىمال ەدى.
راۋشان نۇعمانبەكوۆا.
سەمەي.
