فوتو: Istockphoto.com
سوت انىقتاعانداي, اۋىلدىق كلۋبتىڭ بۋحگالتەرى مەن مەكەمە ديرەكتورى قىزمەتتىك وكىلەتتىگىن پايدالانىپ, شامامەن 10 جىل بويى قارجى جىمقىرىپ كەلگەن. قىلمىستىق سحەما قىزمەتكەرلەرگە جالاقىنى ارتىق اۋدارىپ, كەيىن ءتۇرلى سىلتاۋمەن سول قاراجاتتى كەرى قايتارىپ الۋ ارقىلى جۇزەگە اسقان. بۇل رەتتە, كوپتەگەن قىزمەتكەر باسشىلىقتىڭ زاڭسىز ارەكەتىنەن بەيحابار بولعان.
جالپى كەلتىرىلگەن شىعىن كولەمى 36 ملن تەڭگەنى قۇراعان. وسى قىلمىس ءۇشىن سوت باستاپقىدا ولارعا 7 جىلعا باس بوستاندىعىنان ايىرۋ جازاسىن تاعايىنداعان.
استانادا جەدەل جاردەم ستانتسياسىنىڭ قىزمەتكەرلەرى جىلدار بويى قارجى جىمقىرعان
الايدا بۋحگالتەرگە قاتىستى «قازاقستان رەسپۋبليكاسى كونستيتۋتسياسىنىڭ وتىز جىلدىعىنا بايلانىستى راقىمشىلىق جاساۋ تۋرالى» زاڭ قولدانىلىپ, جازا 1/3-كە قىسقارتىلىپ, 4 جىل 8 ايعا تومەندەتىلگەن.
كەيىن سوت اكتىلەرىنىڭ زاڭدىلىعىن تەكسەرۋ بارىسىندا راقىمشىلىق نورماسىنىڭ دۇرىس قولدانىلماعانى انىقتالدى. اتالعان ساناتتاعى ىستەرگە زاڭنىڭ ارنايى نورماسى قولدانىلۋى ءتيىس بولعان.
وسىعان بايلانىستى باس پروكۋراتۋرا نارازىلىق ءبىلدىرىپ, قىلمىستىق ىستەر جونىندەگى كاسساتسيالىق سوت اپەللياتسيالىق قاۋلىنى وزگەرتتى. ناتيجەسىندە, بۋحگالتەردىڭ جازاسى 5 جىل 7 ايعا دەيىن ۇزارتىلدى.
قاداعالاۋشى ورگان وكىلدەرى بيۋدجەت قاراجاتىن جىمقىرۋ دەرەكتەرىنە قاتىستى جاۋاپكەرشىلىك قاتاڭداتىلاتىنىن اتاپ ءوتتى.
600 ملن تەڭگەدەن استام بيۋدجەت قاراجاتىن جىمقىرۋ: ءوڭىر مەديتسيناسىنداعى بىلىقتىڭ بەتى اشىلدى
