فوتو: olympic.kz
بۇگىن جۇلدەگە تالاساتىن سپورتشىلارىمىز:
13:45-تە شاڭعى جارىسىنىڭ كوماندالىق سپرينت تۇرىندە ايەلدەر اراسىنداعى سايىس وتەدى. بۇل سىندا قازاقستان ساپىنان نادەجدا ستەپاشكينا, داريا رياجكو ونەر كورسەتەدى.
14:00-دە تاۋ شاڭعىسىنىڭ سلالوم ءتۇرى بويىنشا الەكساندرا سكوروحودوۆا جارىس جولىنا شىعادى.
14.00-دە فريستايل-اكروباتيكادان ايەلدەر اراسىنداعى ىرىكتەۋ دە وتەدى. اتالعان باسەكەدە ەل نامىسىن ايانا جولداس قورعايدى.
شاڭعى جارىسىنىڭ ەرلەر اراسىنداعى كوماندالىق سپرينت سايىسىندا امىرعالي مۇراتبەكوۆ پەن نايل باشماكوۆ كۇش سىنايدى. جارىس 14:15-تە باستالادى.
00:15-تە شورت-ترەكتەن 500 مەتر قاشىقتىقتا ەرلەر اراسىنداعى شيرەك فينال سىنى ۇيىمداستىرىلادى. شيرەك فينالدا ىرىكتەۋدەن ءوز توبىندا ءبىرىنشى بولىپ مارە سىزىعىن كەسكەن ابزال اجىعاليۆ پەن ۋاقىت كورسەتكىشى بويىنشا جارىستى جالعاستىرۋعا مۇمكىندىك العان دەنيس نيكيشا جۇلدەگە تالاسادى.
اتالعان باسەكەلەردى Qazaqstan, Qazsport, Khabar جانە Jibek joly ارنالارى تىكەلەي ەفيردە ۇسىنادى.
ايتا كەتەيىك, كەشە سوفيا سامودەلكينا قىسقا باعدارلامادا ونەر كورسەتىپ, 68,47 ۇپايمەن جەكە رەكوردىن جاڭارتتى.
ال قىسقى وليمپيادادا قازاقستان قورجىنىندا 1 التىن مەدال بار. تاريحي جەڭىستى مانەرلەپ سىرعاناۋشى ميحايل شايدوروۆ سىيلادى.
