فوتو: اشىق دەرەككوز
حيدەكي ساتو حح عاسىرداعى Sega-نىڭ ەڭ تانىمال ويىن قۇرىلعىلارىن ازىرلەۋگە باسشىلىق ەتتى. ونىڭ جەتەكشىلىگىمەن Sega Mega Drive, Sega Saturn جانە Dreamcast كونسولدەرى جارىق كوردى. بۇل قۇرىلعىلار ءبىر كەزەڭدە الەمدىك ويىن يندۋسترياسىنىڭ باعىتىن ايقىندادى.
ربك حابارلاۋىنشا, Sega العاشقى 8-بيتتىك SG-1000 پريستاۆكاسىن 1983 جىلى نارىققا شىعارعان ەدى. 1980-جىلداردىڭ سوڭىنا قاراي كومپانيا ويىن يندۋسترياسىنداعى ەڭ تانىمال برەندتەردىڭ بىرىنە اينالدى. 1988 جىلى تانىستىرىلعان 16-بيتتىك Mega Drive ءۇي كونسولى Sega-نىڭ داڭقىن اسقاقتاتتى. ءدال وسى پلاتفورمادا 1991 جىلى Sonic the Hedgehog ويىنى جارىق كوردى. كوك ءتۇستى كىرپى سونيك قىسقا ۋاقىتتا كومپانيانىڭ سيمۆولىنا اينالىپ, ويىن الەمىندەگى ەڭ تانىمال كەيىپكەرلەردىڭ بىرىنە اينالدى.
كەيىن حيدەكي ساتونىڭ باستاۋىمەن 32-بيتتىك Sega Saturn كونسولى شىعارىلدى. الايدا ول «پريستاۆكالار باسەكەسىندە» Sony PlayStation-عا ەسە جىبەردى. سوعان قاراماستان, Sega ويىن يندۋسترياسىنداعى ىقپالىن ساقتاپ قالدى.
2003 جىلدان باستاپ كومپانيا بيزنەس جۇرگىزۋ ءتاسىلىن وزگەرتىپ, Sammy-مەن بىرىگۋ ارقىلى Sega Sammy Holdings حولدينگىن قۇردى. وسى كەزەڭنەن باستاپ Sega ستراتەگيالىق Total War, شىتىرمان وقيعالى Yakuza جانە Football Manager سيمۋلياتورى سياقتى تانىمال ويىن سەريالارىنىڭ باسپاگەرىنە اينالدى.
حيدەكي ساتونىڭ ەسىمى ەلەكتروندى ويىن تاريحىندا قالدى. ونىڭ ەڭبەگى ءبىر بۋىننىڭ بالالىق شاعىمەن, ويىن مادەنيەتىنىڭ قالىپتاسۋىمەن تىعىز بايلانىستى.
Kaspi, Halyk جانە شەتەلدىك ينۆەستورلار: ەلدەگى ەڭ باي كومپانيالار انىقتالدى
