قىزىلوردالىق جاستار «سىر ءۇمىتى» سىيلىعىن الدى

قىزىلوردا. 13 تامىز. 2011 جىلدان باستاپ ءوز ءىسىنىڭ كوشباسشىسى, ناعىز پاتريوت 120 بەلسەندى ازاماتقا «سىر ءۇمىتى» سىيلىعى تاعايىندالعان بولاتىن. بيىل دا وسى ءۇردىس جالعاسىن تاۋىپ, 30 جاسقا لايىقتى قۇرمەت كورسەتىلدى. بۇل تۋرالى egemen.kz ءتىلشىسى حابارلادى. سىيلىق يەگەرلەرى قاتارىندا جەتەكشى ينجەنەر, بىلىكتى دارىگەر, حالىقارالىق دارەجەدەگى سپورت شەبەرى مەن ونەرپازدار, اۋىلشارۋاشىلىعى سالاسىنىڭ ماماندارى, سونداي-اق جاس عالىمدار دا بار. ولار ارنايى ديپلوممەن جانە 150 مىڭ تەڭگە كولەمىندە سىياقىمەن ماراپاتتالدى. «سىر ءۇمىتى» جاستار سىيلىعىن يەمدەنگەندەردىڭ ىشىندە ەلدىڭ اتىن شىعارىپ, كوك بايراقتى كوككە كوتەرىپ جۇرگەن جەرلەستەرىمىز دە بار. دزيۋدودان حالىقارالىق دارەجەدەگى سپورت شەبەرى, جاسوسپىرىمدەر اراسىندا تۇڭعىش الەم چەمپيونى, جاسوسپىرىمدەر جازعى وليمپيادا ويىندارىنىڭ چەمپيونى باۋىرجان جاۋىنتاەۆ سول قاتاردا. ەلدىڭ ءۇمىتىن ارقالاعان جاستاردىڭ اراسىندا جۇلدىزى جانىپ تۇرعان نۇرىم سالىمگەرەەۆ تە بار. ول – قازاق كۇرەسى, دزيۋدو, سامبو مەن بەلبەۋ كۇرەسىنەن سپورت شەبەرى. قازاقساتن چەمپيوناتتارىنىڭ بىرنەشە دۇركىن جەڭىمپازى. ولار «سىر ءۇمىتى» سىيلىعىن وزدەرىنە ارتىلعان ۇلكەن سەنىم جانە زور جاۋاپكەرشىلىك دەپ بىلەدى. ەرجان بايتىلەس. دەرەك, سۋرەت: egemen.kz.