قالا اكىمى مۇرات بايمەنوۆتىڭ ايتۋىنشا, وبلىس ورتالىعىنىڭ الداعى ونداعان جىلدارعا ارنالعان ستراتەگيالىق قۇجاتى 2023 جىلدان بەرى ازىرلەنىپ جاتىر. ورال شاھارىنىڭ ۇزاق مەرزىمدى, جۇيەلى دامۋىنا باعىتتالعان بۇل شەشىم 2030, 2040 جانە 2055 جىلدارعا دەيىنگى كەزەڭدەردى قامتيدى.
ماماندار قالانىڭ باتىس باعىتتا دامۋىنا باسىمدىق بەرىپ وتىر. سونىڭ ءبىرى – جاڭادان سالىنىپ جاتقان «اقجايىق» شاعىن اۋدانى. ول «اقجايىق-1» «اقجايىق-2», «اقجايىق-3» دەگەن بولىكتەردەن تۇرماق. جالپى بۇل جەردە 1,7 ملن شارشى مەتردەن استام تۇرعىن ءۇي سالىنىپ, 112 مىڭ ادامعا دەيىن قونىستانادى.
ء«بىزدىڭ باستى ۇستانىم – تەك باسپانا ەمەس, ينفراقۇرىلىمى تولىققاندى اۋداندار قالىپتاستىرۋ. مەكتەپ, بالاباقشا, ەمحانا, سپورت جانە قوعامدىق نىساندار قاتار دامۋى ءتيىس», دەيدى ورال قالاسىنىڭ اكىمى.
الداعى 20 جىلدا قالا اۋماعىندا 79 بالاباقشا, 36 مەكتەپ, 3 ەمحانا, 2 اۋرۋحانا, 11 قوعامدىق ورتالىق, 5 سپورت كەشەنى جانە 18 ءورت عيماراتىن سالۋ كوزدەلگەن.
ورالداعى جاپوندىق «Hitachi» تۋربيناسىنىڭ جوندەۋ جۇمىستارى ءساتتى اياقتالدى
بۇرىنعى «زاچاگانسكي» باۋ-باقشا سەرىكتەستىگى, قازىر «قۇس فابريكاسى» اتالاتىن اۋماق اقىرى تۇرعىن ءۇي ايماعىنا اۋىستىرىلاتىن بولدى. بۇل سول جەردى مەكەندەگەن حالىقتىڭ كوپتەن بەرگى تالابى بولاتىن. قازىر مۇندا 12 مىڭعا جۋىق ادام تۇرادى. ەندى ول جەرگە ينجەنەرلىك ينفراقۇرىلىم سالىنىپ, شاعىن اۋدان جۇيەلى دامىيتىن بولدى. بىراق ساۋلەتشىلەردىڭ ايتۋىنشا, بۇل جەردە كوپقاباتتى ۇيلەر سالۋ جوسپارلانباعان.
بولاشاقتا ورال قالاسىنىڭ كولىك ينفراقۇرىلىمى دا كۇشەيتىلەدى: ءۇش جاڭا كوپىر سالىنىپ, باتىس اينالما جولىن قالىپتاستىرۋ جانە كولىك جۇكتەمەسىن ازايتۋ كوزدەلگەن.
«سونىمەن قاتار 153 تاريحي-مادەني نىساندى قورعاۋ شارالارى كۇشەيتىلەدى. قالانىڭ تاريحي كەلبەتىن ساقتاۋ – باستى مىندەتتىڭ ءبىرى», دەيدى مۇرات بايمەنوۆ.
باتىس قازاقستان وبلىسى
