بىردەن 4 بۇزاۋ تۋدى

ەستىمەگەن ەلدە كوپ. توسىن جاڭالىق جاقىندا بايزاق اۋدا­نىنداعى قوستوبە اۋىلىن­دا ورىن الدى. وسى اۋىلدا تۇ­را­تىن تيمۋر دەرۆيش پەن مەي­رام­ ابدۋل­لازەنىڭ باعىپ وتىر­عان ­سيىرى ءبىر كۇندە ءتورت بۇزاۋ تۋدى. بۇعان تەك سيىر يەلەرى عانا ەمەس, بۇكىل اۋىل تۇرعىن­دارى تاڭدانىسپەن قاراۋ­دا. ءىستىڭ ءمان-جايىمەن اۋىلدىڭ ۆەتەرينار دارىگەرى سەمبەك قاش­قىن­باەۆ تا قانىعىپتى. مال ءدارى­گەرىنىڭ ايتۋىنشا, ءتول­دەردىڭ دە, ولاردىڭ ەنەسىنىڭ دە دەنساۋلىعىندا ەش كىنارات جوق. ءبىز تورتەم تۋعان سيىردىڭ يەلەرىن اڭگىمەگە تارتقانى­مىز­دا: «وسى ومىرىمدە مۇنداي جاعدايدى ءبىرىنشى مارتە كو­رىپ تۇرمىن. سيىرىمىزدىڭ ءتول­دەيتىن ۋاقىتى تاياپ قالعان بولاتىن. الايدا, بىردەن تورتەۋىن بۇزاۋلايدى دەپ ويلاماپپىز. العاشىندا ەكەۋ, اراعا مينۋتتار سالىپ ءۇشىنشى, سوسىن ءتورتىنشىسى ءدۇ­نيەگە كەلدى. ماۋسىم ايىنىڭ باسىندا تۋعان بۇزاۋلاردىڭ قازىرگى تاڭدا جاعدايى جاقسى. ويناقتاپ سەكىرىپ ءجۇر. تابەتتەرى دە جامان ەمەس. قايدان بىلەيىن, قۇدايدىڭ قالاۋى شىعار. الايدا, قاي نارسەنى بولماسىن جاقسىلىققا بالايتىنىمىز بار عوي. بۇزاۋدىڭ ۇشەۋىن تىرىدەي تاراتىپ بەرىپ جاتىرمىن. قالعان بىرەۋىن ءوزىم باعىپ-قاعامىن دەپ شەشتىم», – دەيدى م.ابدۋللازە. ءبىر مەزەتتە بىرنەشە بۇزاۋ تۋعان سيىر تەك مۇنىسىمەن عانا ەمەس, ءبىر ساۋعاندا 25 ليتر ءسۇت بەرەتىندىگىمەن دە ەرەك­شەلە­نە­دى ەكەن. ايدانا قايىپنازارقىزى.