سۋرەت: qazaly.kz
بايقاۋعا قاتىسۋشىلار «الپامىس» جىرىن باستان-اياق جاتقا ايتىپ جارىسادى. جىر سايىسى بارىسىندا ۇمىتكەردىڭ كوركەم وقۋ مانەرى, تىڭداۋشىعا جىردى جەتكىزە ءبىلۋ شەبەرلىگى دە ەسكەرىلەدى. بايقاۋدىڭ اۋىلدىق, اۋداندىق, قالالىق كەزەڭدەرى اقپان, ناۋرىز, ءساۋىر ايلارىندا وتەدى. ال قوستانايدا وتەتىن شەشۋشى كەزەڭ مامىر ايىنا بەلگىلەنىپ وتىر.
وبلىستىق كەزەڭگە ءار اۋداننان, قالالاردان توپ جارىپ, وزا شاپقان ەكى وقۋشى قاتىسادى. باس جۇلدە يەگەرىنە تۇركيا ەلىنە ءبىر ايلىق جولداما بەرىلەدى. جەڭىمپاز وقۋشىنى دايىنداعان تالىمگەرگە اۆتوكولىك سىيعا تارتىلماق. جۇلدەلى ورىننان كورىنگەن بالالار دا قۇر قول قايتپايدى. بايقاۋدىڭ 1,2,3-ورىن يەگەرلەرىنە «Amanat» پارتياسى, حالىقارالىق «قازاق ءتىلى» قوعامى, مىرجاقىپ دۋلات ۇلى اتىنداعى قوستاناي ينجەنەرلىك-ەكونوميكالىق ۋنيۆەرسيتەتى قارجىلاي سىيلىق تاعايىنداپ وتىر.
قوستاناي وبلىسى
