سوڭعى ءبىر-ەكى كۇننىڭ بەدەرىندە تۇتاس قىز مەزگىلىندە جاۋماعان قار جاۋدى. تابيعاتتىڭ توسىن مىنەزىنە ساي جامبىلدىق شەنەۋنىكتەر دە جەدەل ىسكە كىرىسىپ جاتىر.
رەسمي مالىمەتكە سۇيەنسەك, جەرگىلىكتى ماڭىزى بار اۆتوجولداردى قىسقى جاعدايدا ۇستاۋعا 21 مەردىگەرلىك ۇيىم تارتىلىپ, 178 بىرلىك ارنايى تەحنيكا جۇمىلدىرىلدى. وبلىس بويىنشا الدىن الا دايىندالعان 14 925 توننا قۇمنىڭ 9 658 تونناسى جانە 1 500 توننا تۇزدىڭ 920 تونناسى قولدانىستا بار.
وبلىستىق ماڭىزى بار اۆتوموبيل جولدارىنا قىزمەت كورسەتۋ ءۇشىن 11 مەردىگەرلىك ۇيىممەن كەلىسىمشارت جاسالعان. قازىرگى ۋاقىتتا ولاردىڭ قورىندا 5 350 توننا قۇمنىڭ 3 477 تونناسى جانە 535 توننا تۇزدىڭ 340 تونناسى ساقتاۋلى. قىسقى جۇمىستارعا 85 بىرلىك جول تەحنيكاسى مەن ارنايى جابدىقتار تارتىلعان.
اۋداندىق ماڭىزى بار جولداردى كۇتىپ-ۇستاۋعا 10 مەردىگەرلىك ۇيىم جاۋاپتى. بۇل باعىتتا 93 بىرلىك ارنايى تەحنيكا جۇمىس ىستەپ جاتىر. تاراز قالاسىنىڭ كوشە جەلىلەرىن قىسقى كۇتىپ-ۇستاۋ جۇمىستارىن «جاسىل ەل-تاراز» جشس جۇزەگە اسىرادى. قازىرگى تاڭدا مەكەمە كۇشەيتىلگەن رەجيمگە كوشكەن. سەرىكتەستىكتىڭ قويماسىندا 2 600 تەكشە مەتر قۇم جانە 1 530 توننا تۇز قورى بار. جۇمىسقا 50 بىرلىك تەحنيكا مەن ارنايى جابدىق جۇمىلدىرىلعان. 300-دەن استام قىزمەتكەر جۇمىس ىستەپ جاتىر.
Cونىمەن بىرگە جولداردى تازالاۋ جۇمىستارىنا قۇرىلىس كومپانيالارىنىڭ تەحنيكالارى تارتىلعان. قاجەت بولعان جاعدايدا قوسىمشا اۋىر تەحنيكانى جالعا الۋ ءۇشىن قوسالقى ۇيىمدارمەن كەلىسىمشارتتار جاساسۋ قاراستىرىلعان.
ەسكە سالايىق, 11 اقپاندا ەلىمىزدە قارلى بوران, كوكتايعاق, قاتتى جەل بولعان ەدى.
