اقتاۋدا زاڭسىز ويىنحانا انىقتالدى

اقتاۋ. 26 ناۋرىز. اقتاۋدا قالالىق پروكۋراتۋراسى مەن كريمينالدىق پوليتسيا قىزمەتكەرلەرى بىرلەسىپ جۇرگىزگەن تەكسەرۋ رەيدى كەزىندە زاڭسىز ويىن اۆتوماتتارى زالى انىقتالدى. بۇل تۋرالى lada.kz ءتىلشىسى حابارلادى. ويىن زالى قالاداعى «مەلوۆايا» ستانساسى ماڭىنداعى «دانا» سۋپەرماركەتى قۇرىلىس اۋلاسىنىڭ جەرتولەسىنەن تابىلعان. ەسىگى مىقتى بەكىتۋلى جانە قوسىمشا تورلارمەن قىمتالعان اۋماققا كىرۋ مۇمكىن بولماعاندىقتان, ومون قىزمەتكەرلەرى تەرەزە ارقىلى كىرگەن. ەسىكتى اشۋدى ودان ءارى قيىنداتقان ويىن زالى كۇزەتشىسىنىڭ كىلتتى ەدەن جۋاتىن سۋ تۇرعان شەلەككە سالىپ جىبەرۋى سەبەپ بولعان. ويىنحانانىڭ يەسى كىم ەكەندىگىن ايتۋدان العاشىندا باس تارتقان زال اكىمشىلىگى بۇل قىلىعىنىڭ قىلمىستى ۇيىمداستىرۋشى رەتىندە تانىلاتىندىعىن بىلگەن سوڭ, كەلىسىمگە كەلگەن. ايتۋىنشا, بۇل كاسىپ ويىن بيزنەسىنە تىيىم سالىنعان 2011 جىلدان باستاپ جۇرگىزىلىپ كەلەدى ەكەن. 36 ويىن اۆتوماتى مەن 6 ويىنشى قۇرىقتالعان زالدىڭ جۇمىسى بۇگىندە توقتاتىلدى. قازىر وسىعان قاتىستى قىلمىستىق ءىس قوزعالعان. ال ويىن اۆتوماتتارى جويىلاتىن بولادى. گۇلايىم شىنتەمىرقىزى. دەرەك, سۋرەت: lada.kz.