فوتو: جوعارعى سوت
تەرگەۋ بارىسىندا ەر ادام جابىرلەنۋشىنىڭ بايلانىستى توقتاتۋ تۋرالى تالابىن ەلەمەي, ايەلدى تۇرعىلىقتى جانە جۇمىس ورنىندا قۋدالاپ, بەينەجازباعا ءتۇسىرىپ جانە پسيحولوگيالىق قىسىم كورسەتكەنى انىقتالدى.
سوتتا مەملەكەتتىك ايىپتاۋشى جابىرلەنۋشىنىڭ جەكە باس بوستاندىعىنا, قاۋىپسىزدىگىنە جانە جەكە ومىرىنە قول سۇعىلۋىنا بايلانىستى سوتتالۋشىنىڭ كىناسىن دالەلدەيتىن تولىق ءارى جان-جاقتى ايعاقتار ۇسىنعان.
ستالكينگ پەن الاياقتىق قاتاڭ جازالانادى
«سوت ۇكىمىمەن ول ستالكينگ جاساعانى ءۇشىن كىنالى دەپ تانىلىپ, 100 ساعات قوعامدىق جۇمىستارعا تارتىلىپ, مورالدىق زياندى وتەۋگە مىندەتتەلدى. ايىپتالۋشىنىڭ بۇعان دەيىن بوستاندىعىن شەكتەۋ تۇرىندەگى جازانى وتەپ, ونىڭ شارتتارىن بۇزعانىن ەسكەرە وتىرىپ, وتەلمەگەن جازا بولىگى باس بوستاندىعىنان ايىرۋ جازاسىنا اۋىستىرىلدى», دەلىنگەن استانا قالالىق سوتىنىڭ ءباسپاسوز قىزمەتى تاراتقان حابارلامادا.
ايتا كەتەيىك, زاڭسىز قۋدالاۋ ارەكەتى ءۇشىن 200 ايلىق ەسەپتىك كورسەتكىشكە دەيىن ايىپپۇل سالۋ, سول مولشەردە تۇزەۋ جۇمىستارى, 200 ساعاتقا دەيىن قوعامدىق جۇمىستارعا تارتۋ نەمەسە 50 تاۋلىككە دەيىن قاماۋعا الۋ تۇرىندەگى قىلمىستىق جاۋاپكەرشىلىك كوزدەلگەن.
بۇعان دەيىن پەتروپاۆل مەن اتىراۋ وبلىستارىندا وسى مازمۇنداعى قىلمىس جاساعان ەكى ازامات جازالانعانىن حابارلاعانبىز.
