بارلىق ساتىلىم ۇشىن كەشبەك: قاي بانكتەر جومارتتىق تانىتادى؟

بۇگىندە ەلىمىزدەگى 23 ەكىنشى دەڭگەيلى بانكتىڭ 12-سىندە بونۋستىق باعدارلامالار بار. سونىڭ ىشىندە 9 بانك بارلىق دۇكەندەر مەن جەلىلەردە جاسالعان ساتىپ الۋلارعا كەشبەك ۇسىنادى. الايدا ءار بانكتىڭ شارتتارى مەن شەكتەۋلەرى ءارتۇرلى. نارىقتاعى ەڭ ءتيىمدى ۇسىنىستارعا توقتالايىق.

جەكە تۇلعالار بانكروتتىعى: بانكتەر قانشا ادامنىڭ بەرەشەگىن كەشىردى؟

Bank RBK: SARQYT باعدارلاماسى

نارىقتاعى بىرەگەي ونىمدەردىڭ ءبىرى – Bank RBK ۇسىنعان SARQYT ادالدىق باعدارلاماسى. «شاشۋ كەشبەك. 8% – بارلىعىنا, ءاردايىم» ۇستانىمىنا نەگىزدەلگەن بۇل باعدارلاما بارلىق قولما-قول اقشاسىز بولشەك ساتىپ الۋلارعا, ەل ىشىندە دە, شەتەلدە دە ناقتى اقشامەن كەشبەك ەسەپتەيدى.

باعدارلامانىڭ باستى شارتى – كارتاداعى قالدىق مولشەرى. قالدىققا قاراي كەشبەك كولەمى 3%-دان 8%-عا دەيىن وزگەرەدى. قاجەتتى قالدىقتىڭ ەڭ تومەنگى شەگى 75 مىڭ تەڭگەدەن باستالىپ, 500 مىڭ تەڭگەگە دەيىن جەتەدى. بۇل – باسقا بانكتەرمەن سالىستىرعاندا قولجەتىمدى تالاپتاردىڭ ءبىرى. كوپ جاعدايدا وزگە قارجى ۇيىمدارى جوعارى كەشبەك ءۇشىن بىرنەشە كۇردەلى شارت قويادى.

SARQYT – Bank RBK كليەنتتەرى ءۇشىن تەگىن ارتىقشىلىق. باعدارلاماعا My RBK ءموبيلدى قوسىمشاسى ارقىلى قوسىلۋعا بولادى. اي سايىنعى كەشبەك كولەمى 100 مىڭ تەڭگەگە دەيىن جەتۋى مۇمكىن, بۇل دا نارىقتاعى جوعارى كورسەتكىشتەردىڭ قاتارىندا.

Freedom Bank: كوپ قۇرامدى كەشبەك

Freedom Bank-ءتىڭ ادالدىق باعدارلاماسىندا كەشبەك بىرنەشە كومپونەنتتىڭ قوسىندىسىنان قالىپتاسادى. ەكوجۇيەنى ەسەپكە الماعاندا, ەڭ جوعارى كەشبەك 8%-عا دەيىن جەتۋى مۇمكىن. الايدا مۇندا تالاپتار كۇردەلىرەك.

4% كەشبەك الۋ ءۇشىن ورتاشا ايلىق قالدىق 1 ملن تەڭگەدەن اسۋى ءتيىس. قوسىمشا 2-3% بايلانىسسىز تولەمدەر ارقىلى بەرىلەدى (Freedom تەرمينالدارىندا – 3%). تاعى 1% ايىنا 50 مىڭ تەڭگەدەن استام ساتىپ الۋ جاساعان كليەنتتەرگە قاراستىرىلعان. بازالىق كەشبەك ەكوجۇيەدەن تىس 1%-دان باستالادى. تاعى ءبىر ەرەكشەلىك – كەشبەك Freedom ۆاليۋتاسىندا ەسەپتەلەدى. ايلىق ەڭ جوعارى كەشبەك – 200 مىڭ تەڭگە.

Bereke Bank: جوعارى بونۋستار

Bereke Bank تە جوعارى بونۋستارىمەن ەرەكشەلەنەدى. BBonus باعدارلاماسى شەڭبەرىندە 3%-دان 7%-عا دەيىن كەشبەك الۋعا بولادى. ول ءۇشىن دەپوزيت كولەمى 500 مىڭ تەڭگەدەن 20 ملن تەڭگەگە دەيىن بولۋى شارت (BBonus+). سونىمەن قاتار Bereke Premium كارتاسىمەن 5% بونۋس ۇسىنىلادى. ماكسيمالدى بونۋس كولەمى – ايىنا 200 مىڭ تەڭگە.

ەۋرازيالىق بانك: شارتتى تيىمدىلىك

ەۋرازيالىق بانكتىڭ كارتالارى بويىنشا ارنايى ساناتتاردى تاڭداۋسىز-اق 5%-عا دەيىن بونۋس جيناۋعا بولادى. بىراق بەلگىلى تالاپتار بار: 3% بونۋس ءۇشىن ايلىق قولما-قول اقشاسىز اينالىم 300 مىڭ تەڭگەدەن اسۋى ءتيىس, ال قوسىمشا 2% – دەپوزيتى 5 ملن تەڭگەدەن جوعارى كليەنتتەرگە بەرىلەدى.

اتالعانداردان بولەك, بونۋستىق باعدارلامالارى بار بانكتەر قاتارىندا Home Credit Bank, بانك تسەنتركرەديت, Shinhan Bank Kazakhstan, Alatau City, Altyn Bank, Halyk Bank, Kaspi Bank جانە ForteBank تە بار.

قارىزىن تولەمەگەن بانكتەرگە بايلانىستى نە وزگەردى؟

نارىقتىڭ وسۋىنە سەرپىن بەرگەن فاكتور

قازاقستاندا كارتالىق نارىقتىڭ بەلسەندى دامۋىنا ءدال وسى كەشبەك پەن بونۋس جۇيەلەرى ايتارلىقتاي اسەر ەتىپ وتىر. 2025 جىلعى 1 جەلتوقساندا ەلدەگى تولەم كارتالارىنىڭ سانى 84,4 ملن-عا جەتىپ, 1 جىلدا شامامەن 5%-عا ارتتى. سوڭعى بەس جىلدا كارتالار سانى 80%-دان استام وسسە, 10 جىل ىشىندە 5 ەسەدەن كوپ ۇلعايعان.

ساراپشىلاردىڭ پىكىرىنشە, كەشبەك پەن بونۋستار:

- كليەنتتەرگە ناقتى قارجىلىق ۇنەم بەرەدى;
- بانكتىك ونىمدەردى كۇندەلىكتى قولدانۋدى جەڭىلدەتەدى;
- كليەنتتەردى تارتۋ مەن ۇستاپ قالۋدىڭ ءتيىمدى قۇرالىنا اينالدى;
- قولما-قول اقشاسىز تولەمدەر مەن تسيفرلىق بانكينگتىڭ دامۋىن جەدەلدەتەدى.

وسىلايشا, كەشبەك باعدارلامالارى بۇگىندە جاي ماركەتينگتىك امال ەمەس, وتاندىق بانك نارىعىنداعى باستى باسەكەلەستىك ارتىقشىلىقتاردىڭ بىرىنە اينالىپ وتىر.

ەندى جەڭىلدەتىلگەن يپوتەكانى جەكەمەنشىك بانكتەر دە ۇسىنا الادى