كرەاتيۆتى يندۋسترياعا قاتىستى زاڭ قارالادى

بيۋرو وتىرىسىندا ماۋلەن اشىمباەۆ ەلىمىز قازىر ودان ءارى ۇدەمەلى دامۋعا باعىتتالعان اۋقىم­دى وزگەرىستىڭ الدىندا تۇرعانىن اتاپ ءوتتى.

«قازىرگى تاڭدا پرەزيدەنت قاسىم-جومارت توقاەۆتىڭ باس­ت­ا­ما­­سىمەن ەلىمىزدە كونس­تي­تۋ­تسيا­­­­لىق رەفورمالار جۇرگى­زىلىپ جا­تىر. ولار – «كۇشتى پرەزي­دەنت – ىق­­پالدى پارلامەنت – ەسەپ بە­رە­تىن ۇكىمەت» تۇجىرىم­داما­سىن جۇزە­گە اسىرۋدى كوز­دەي­تىن اۋقىم­­دى جاڭ­عىرتۋ سترا­تەگيا­سى­نىڭ ما­ڭىز­­دى بولىگى. ناتي­­­جەسىن­دە ەلدىڭ بۇكىل ساياسي جۇيەسى­نىڭ تيىم­دى­لىگى, اشىق­تىعى مەن بەل­سەندىلىگى ارتادى. سونداي-اق سايا­سي ىقپال مەن جو­عارى وكىلدى ور­گان­نىڭ ءرولى كۇشەي­تى­لەدى. وسى­عان بايلانىستى ەلدىڭ جاڭا كونس­تي­تۋتسياسىنىڭ ءماتىنى دايىن­دالىپ, جاريالاندى», دەدى م.اشىمباەۆ.

سەنات توراعاسىنىڭ ايتۋىنشا, جاڭا اتا زاڭ ازاماتتاردىڭ, قوعامدىق ينستيتۋتتاردىڭ, ساياسي پار­تيالار مەن زاڭگەرلەردىڭ ۇسى­نىس­تارى نەگىزىندە ازىرلەندى. كوميس­سيا وتىرىستارىندا اشىق ءارى ماز­مۇندى تالقىلاۋلار ءوتتى. جاڭا كونس­تيتۋتسيا ەلىمىزدىڭ ۇزاقمەر­زىمدى دامۋىنىڭ نەگىزىن قالايدى.

سونىمەن قاتار بيۋرو مۇشە­لەرى «قازاقستان رەسپۋبلي­كاسىنىڭ كەيبىر زاڭنامالىق اكتىلەرىنە كرەاتيۆتى يندۋستريا­لاردى قولداۋ جانە دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى سەناتتىڭ الداعى وتىرىسىندا قاراۋ تۋرالى قاۋلى قابىلدادى. اتالعان زاڭ­نىڭ نورمالارى مادەنيەت سالاسىن جاڭعىرتۋدى, سونداي-اق تاۋەلسىز جانە ەكونوميكانىڭ ماڭىزدى سەكتورى رەتىندە كرەاتيۆتى يندۋستريا قالىپتاستىرۋدى كوزدەيدى.

سونداي-اق سەناتورلار بۇعان دەيىن ءماجىلىس قابىلداعان زاڭ­دار­دى جۇمىس ءۇشىن پالاتانىڭ تۇراق­تى كوميتەتتەرىنە ءبولىپ بەردى.