قوعامنىڭ سۇرانىستارىنا كەڭ اۋقىمدا تالداۋ جۇرگىزىلىپ, ەلىمىزدىڭ كونستيتۋتسيالىق قۇرىلىمىن ودان ءارى دامىتۋ ماسەلەلەرىنە ءتۇرلى ماقساتتى توپتاردى تارتۋ جۇمىستارى جۇزەگە اسىرىلدى.
ناتيجەسىندە مەملەكەت وتە ۇتىمدى جول تاۋىپ, جاڭا كونستيتۋتسيانى قابىلداۋ ماسەلەسىن تەك رەفەرەندۋم ارقىلى شەشۋ قاجەتتىگىن بىردەن ايقىندادى.
مىڭجىلدىق تاريحتىڭ ساباقتاستىعى – جاڭا كونستيتۋتسيا جوباسى ايقىنداپ بەرگەن باعدار
مەملەكەت قوعامنىڭ سۇرانىسىن مۇقيات ەسكەرە وتىرىپ, ءوز دامۋ جولىن جالعاستىرۋ ءۇشىن تىڭ شەشىم قابىلدادى.
وعان جۇيەلى تۇردە قۇرىلعان قوعامدىق پىكىردى ەسكەرۋ جانە كەرى بايلانىستى جيناۋ بويىنشا جۇمىستار دا ىقپال ەتتى. ياعني, جاڭا كونستيتۋتسيا جوباسىنىڭ پايدا بولۋىنا كوپ دەڭگەيلى ساراپتاما مەن تالداۋ جۇيەسى اسەر ەتتى.
جاڭا كونستيتۋتسيانىڭ جوباسى: ادامي كاپيتال مەن ادام قۇقىقتارىنا باسىمدىق
بىرىنشىدەن, ۇسىنىستاردى جيناۋ اشىق كوممۋنيكاتسيا ارنالارى ارقىلى جۇرگىزىلدى. وتكەن جىلدىڭ قىركۇيەك ايىنان باستاپ ازاماتتاردان كونستيتۋتسيالىق رەفورماعا قاتىستى 2 مىڭنان استام باستاماشىل ۇسىنىس كەلىپ ءتۇستى.
ەكىنشىدەن, كونستيتۋتسيالىق كوميسسيا 130 ادامنان قۇرىلدى. ونىڭ قۇرامىنا ۇلتتىق قۇرىلتاي مۇشەلەرى, بەلگىلى قۇقىقتانۋشىلار, ورتالىق مەملەكەتتىك ورگانداردىڭ جاۋاپتى قىزمەتكەرلەرى, بۇقارالىق اقپارات قۇرالدارى باسشىلارى, ءماسليحات توراعالارى, وڭىرلىك قوعامدىق كەڭەستەردىڭ وكىلدەرى, ساراپشىلار مەن عىلىمي قاۋىمداستىقتار كىردى. وسىلايشا, كوميسسيا قۇرامىنا قازاقستاننىڭ بارلىق الەۋمەتتىك توپتارى مەن وڭىرلەردىڭ وكىلدەرى ەنگىزىلدى.
كوميسسيانىڭ نەگىزگى مىندەتى – بارلىق ۇسىنىستاردى مۇقيات قاراۋ, جيناقتاۋ جانە ناقتى وزگەرىستەر جوباسىن دايىنداۋ بولىپ بەلگىلەندى.
كوميسسيا مۇشەلەرى مەملەكەتتىك باسقارۋ جۇيەسىنىڭ جاڭا لوگيكاسىن قالىپتاستىرۋ, قازاقستاننىڭ الەمدەگى ورنىن كورسەتەتىن وزەكتى قوعامدىق قۇندىلىقتاردى بەكىتۋ جانە ەلدىڭ ۇزاق مەرزىمدى دامۋ قاعيداتتارىن قالىپتاستىرۋ بويىنشا تىڭعىلىقتى جۇمىس اتقاردى.
بارلىق كوميسسيا وتىرىستارى تولىق جاريا تۇردە جانە تىكەلەي ەفيردە بۇقارالىق اقپارات قۇرالدارى مەن الەۋمەتتىك جەلىلەر ارقىلى كورسەتىلدى.
ءوز پىكىرلەرى مەن ۇسىنىستارىن بەلگىلى زاڭگەرلەر, قۇقىق قورعاۋشىلار, قوعامدىق ۇيىم وكىلدەرى, دەپۋتاتتار, ساياساتتانۋشىلار جانە باسقا ساراپشىلار ءبىلدىردى.
وسىلايشا, جاڭا كونستيتۋتسيا جوباسىنىڭ جاريالانۋى – قوعامنىڭ سۇرانىسىنا نەگىزدەلگەن ۇزاق ءارى مۇقيات ساراپتامالىق جۇمىستىڭ ناتيجەسى.
