ونىڭ ايتۋىنشا, جوباعا ەنگىزىلگەن جاڭاشىلدىقتار ەلىمىزدە قالىپتاسقان مەملەكەتتىلىكتىڭ كونستيتۋتسيالىق نەگىزدەرىن كۇشەيتىپ, ولاردى جاڭا مازمۇندا قايتا بەكىتەدى. سونىمەن قاتار ادام قۇقىقتارىن قورعاۋ مەن كونستيتۋتسياعا نەگىزدەلگەن قۇقىق ۇستەمدىگىن قامتاماسىز ەتۋگە قاجەتتى قۇقىقتىق العىشارتتار جاسالادى.
سپيكەر كونستيتۋتسيا جوباسىنداعى نەگىزگى ەرەجەلەر «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» تۇجىرىمداماسىنىڭ لوگيكاسىنا تولىق سايكەس كەلەتىنىن اتاپ ءوتتى. بۇل ءتاسىل ەلدىڭ ودان ءارى دامۋى ءۇشىن مىزعىماس ينستيتۋتسيونالدىق نەگىز قالىپتاستىرادى.
«كونستيتۋتسيا جوباسىنا ەنگىزىلگەن ەرەجەلەر قوعام مەن مەملەكەت ەۆوليۋتسياسىنىڭ جاڭا ءبىر كەزەڭىن اشۋعا نەگىز قالايدى», دەدى كونستيتۋتسيالىق سوت توراعاسىنىڭ ورىنباسارى.
ماۋلەن اشىمباەۆ: قازاقستان ۇلتتىق جاڭعىرۋ كەزەڭىن باستان وتكەرىپ جاتىر
سونىمەن بىرگە باقىت نۇرمۇحانوۆ كونستيتۋتسيالىق كوميسسيا مۇشەلەرىنىڭ, سونداي-اق بەلسەندى ازاماتتار مەن قوعامدىق ۇيىمدار تاراپىنان تۇسكەن ۇسىنىستار الداعى جۇمىس بارىسىندا دا ماڭىزدى ءارى قۇندى بولاتىنىن جەتكىزدى.
