الەكساندر – فۋتبولداعى مانسابىن گەرمانيادا باستاپ, «ميلان» كلۋبىنىڭ جاستار اكادەمياسىندا ءتالىم الدى. كەيىن يتاليانىڭ نەگىزگى كومانداسىندا وينادى. ول سونداي-اق «دجەنوا», «ۋدينەزە», «گراسسحوپپەر», «حەراكلەس» جانە باسقا دا بىرنەشە ەۋروپالىق كلۋبتاردا ونەر كورسەتتى.
فۋتبولدان الەمدىك رەيتينگ جاريالاندى: قازاقستان نەشىنشى ورىندا تۇر؟
«الەكساندر مەركەل قازاقستان قۇراماسى ساپىندا 2015 جىلدان باستاپ ويناپ, ەل نامىسىن حالىقارالىق جارىستاردا قورعادى. ونىڭ الاڭدى كورە ءبىلۋ قابىلەتى, فيزيكالىق قۋاتى جانە ستاندارتتى جاعدايلاردى ورىنداۋداعى ەرەكشە شەبەرلىگى «جەڭىس» كلۋبىنىڭ ويىن ورنەگىنە جاڭا سەرپىن بەرەرى ءسوزسىز. الەكساندرعا سارى-قارا ءتۇستى جەيدەدە جارقىن جەڭىستەر مەن تابىستى ماۋسىم تىلەيمىز», دەپ جازدى كلۋبتىڭ ءباسپاسوز قىزمەتى.
جارتىلاي قورعاۋشى الەكساندر مەركەل پوۆولجە نەمىستەرىنىڭ وتباسىندا دۇنيەگە كەلگەن. ونىڭ اكەسى دە كاسىبي فۋتبولشى بولعان جانە ءبىر كەزدەرى الماتىلىق «قايرات» كلۋبىندا ويناعان. التى جاسىندا الەكساندر وتباسىمەن بىرگە الماتى وبلىسىنان تاريحي وتانى – گەرمانياعا قونىس اۋداردى. سوعان قاراماستان, ول قازاقستان ازاماتتىعىن ساقتاپ قالدى.
فۋتبولدان قازاقستان ۇلتتىق قۇراماسىنىڭ باس باپكەرى تاعايىندالدى
