فوتو: اشىق دەرەككوز
بۇگىندە قازاقستان تجم كاسىبي قۇتقارۋشىلار مەن ءورت سوندىرۋشىلەرگە ناقتى قولداۋ كورسەتەتىن 17 مىڭعا جۋىق ەرىكتىلەردى بىرىكتىرەتىن 136 ۆولونتەرلىك ۇيىممەن ءوزارا ءىس-قيمىل جاسايدى. جىل سايىن تجم بازاسىندا 2 مىڭعا جۋىق ۆولونتەرلىك قوزعالىستاردىڭ باسشىلارى مەن ۇيلەستىرۋشىلەرى وقىتۋدان وتەدى.
ۇكىمەت ۆولونتەرلىك قوزعالىستى دامىتۋعا باعىتتالعان ۇلتتىق ءىس-شارالار جوسپارىن بەكىتتى
جالپى, تجم ۆولونتەرلىك ۇيىمدارمەن بىرلەسىپ جۇمىستاردى ءۇش نەگىزگى باعىت بويىنشا ۇيىمداستىرادى:
- تابيعي اپاتتار كەزىندە زارداپ شەككەندەرگە كومەك كورسەتۋ (ونىڭ ىشىندە گۋمانيتارلىق قولداۋ);
- تج زارداپتارىنىڭ الدىن الۋعا جانە جويۋعا قاتىسۋ;
- حابار-وشارسىز كەتكەن ازاماتتاردى ىزدەۋ بويىنشا ىزدەستىرۋ-قۇتقارۋ جۇمىستارىن جۇرگىزۋ.
وقۋ-جاتتىعۋ پوليگونى بازاسىندا ۇيىمداستىرىلعان تج سالاسىنداعى ءبىرىنشى رەسپۋبليكالىق ۆولونتەرلەر فورۋمىن وتكىزۋ, سونداي-اق «تج ۆولونتەرلىگى» پانەلدىك سەسسياسى شەڭبەرىندە حالىقارالىق ۆولونتەرلەر فورۋمىندا وتاندىق تاجىريبەنى تانىستىرۋ ماڭىزدى قادام بولدى.
ستيحيالىق ۆولونتەرلىكتەن جۇيەلى دايىندىققا كوشۋگە ەرەكشە نازار اۋدارىلدى. 2024 جىلى قوستاناي وبلىسىندا اۆاريالىق-قۇتقارۋ قۇرالىمدارىنىڭ ستاندارتتارى بويىنشا مامانداندىرىلعان وقىتۋدان وتكەن ءموبيلدى ەرىكتىلەر توپتارىن قۇرۋ بويىنشا پيلوتتىق جوبا ىسكە اسىرىلدى.
وتكەن جىلدان باستاپ مۇنداي توپتار ەلىمىزدىڭ بارلىق وڭىرلەرىندە قۇرىلدى, بۇل توتەنشە جاعدايلارعا دەن قويۋ كەزىندە ۇيلەستىرۋدى ارتتىرۋعا جانە تاۋەكەلدەردى ازايتۋعا مۇمكىندىك بەرەدى. بۇل جوبا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) ۆولونتەرلىك قوزعالىستار كوشباسشىلارىنىڭ سلەتىندە ۇسىنىلدى جانە ۆولونتەرلىكتى دامىتۋ مەن قولداۋدىڭ 2024-2026 جىلدارعا ارنالعان جول كارتاسىنا ەنگىزىلدى.
