فوتو: partystock/freepik.com
ءىس-شارا ەلىمىزدىڭ بارلىق وڭىرىنەن 500-گە جۋىق دەلەگاتتى – ۆولونتەرلىك ۇيىمداردىڭ وكىلدەرىن, بۇۇ ەرىكتىلەر باعدارلاماسىنىڭ شتاب-پاتەرىن جانە بەلسەندى ۆولونتەرلەردى بىرىكتىردى.
فورۋم اياسىندا ەرىكتىلەر تاجىريبە الماسىپ, ۆولونتەرلىك قوزعالىستى دامىتۋ جانە قازاقستاننىڭ الەۋمەتتىك-ەكونوميكالىق دامۋىندا ۆولونتەرلىكتىڭ ءرولىن كۇشەيتۋ تاقىرىپتارىندا وي الماستى.
مەملەكەت باسشىسى بيزنەس وكىلدەرىن ۆولونتەرلىك قىزمەتكە قولداۋ كورسەتۋگە شاقىردى
فورۋمدا ۆولونتەرلىك سالاسىنداعى جەتىستىكتەر ۇسىنىلىپ, سالالىق باستامالار تالقىلاندى جانە ۆولونتەرلىك قوعامداستىقتى ودان ءارى دامىتۋ بويىنشا پراكتيكالىق ۇسىنىستار تۇجىرىمدالدى. ءىس-شارا ۆولونتەرلىك قوزعالىستى دامىتۋدىڭ بىرىڭعاي ۆەكتورىن ازىرلەۋگە, ەرىكتىلەردى قولداۋدىڭ باسىمدىقتارىن ايقىنداۋعا جانە ۇزدىك ۇلتتىق ءارى حالىقارالىق تاجىريبەلەرمەن الماسۋعا مۇمكىندىك بەرىپ وتىر.
قازاقستاندا حالىقارالىق ەرىكتىلەر جىلى ىسكە قوسىلادى
مەملەكەت باسشىسى قاسىم-جومارت توقاەۆتىڭ باستاماسىمەن بۇۇ باس اسسامبلەياسى 2026 جىلدى تۇراقتى دامۋ ماقساتىندا حالىقارالىق ەرىكتىلەر جىلى دەپ جاريالادى. حالىقارالىق ەرىكتىلەر جىلىنىڭ رەسمي باستاۋى جاھاندىق دەڭگەيدە 5 جەلتوقساندا نيۋ-يوركتەگى بۇۇ شتاب-پاتەرىندە بەرىلدى.
حالىقارالىق ەرىكتىلەر جىلىن دايىنداۋ جانە وتكىزۋ ءۇشىن ەلىمىزدە مەملەكەتتىك ورگانداردىڭ, ۆولونتەرلىك قوعامداستىقتىڭ, حالىقارالىق ۇيىمدار مەن سەرىكتەستەردىڭ قاتىسۋىمەن ۇلتتىق ۇيىمداستىرۋ كوميتەتى قۇرىلدى. بۇۇ ەرىكتىلەر باعدارلاماسىنىڭ شتاب-پاتەرى وكىلدەرىنىڭ قاتىسۋىمەن ەكى وتىرىس وتكىزىلدى.
ەل ۇكىمەتى ۆولونتەرلىك قوزعالىستى دامىتۋعا, حالىقارالىق ىنتىماقتاستىقتى نىعايتۋعا جانە تۇراقتى دامۋ قاعيداتتارىن ىلگەرىلەتۋگە باعىتتالعان ۇلتتىق ءىس-شارالار جوسپارىن بەكىتتى. جوسپارعا 52 ءىس-شارا كىرەدى, ونىڭ 12-ءسى حالىقارالىق مارتەبەگە يە, ونىڭ ىشىندە فورۋمدار, كونفەرەنتسيالار جانە شەتەلدىك سەرىكتەستەردىڭ قاتىسۋىمەن پانەلدىك سەسسيالار بار. بۇل رەتتە قۇجاتتا ۆولونتەرلىك جانە ەكولوگيالىق ءىس-قيمىلدارعا, سونداي-اق كۇشتى جانە ينكليۋزيۆتى قوعامدى دامىتۋعا باسا نازار اۋدارا وتىرىپ, تۇراقتى دامۋ ماقساتتارىنا قول جەتكىزۋدەگى ۆولونتەرلىكتىڭ رولىنە ەرەكشە نازار اۋدارىلادى.
تۇراقتى دامۋ ماقساتتارىن ىسكە اسىرۋداعى ۆولونتەرلەردىڭ رولىنە باسا نازار اۋدارا وتىرىپ, «بىرگە – تۇراقتى بولاشاق ءۇشىن» ءنارراتيۆى بىرىڭعاي تاقىرىپتىق جەلى رەتىندە ايقىندالدى.
ايتا كەتەيىك, قاسىم-جومارت توقاەۆ ۆولونتەرلەر فورۋمىندا ءسوز سويلەپ, سىن ساعاتتا بەلسەندى جۇمىس ىستەيتىن ەرىكتىلەردىڭ جۇمىسىن جوعارى باعالادى.
